Personal computer

Van Wikipedia

Nen personal computer is nen computer die mêestens gebruukt wordt deur gezinn. Personal computer es mêestol gebruukt under zyn afkortinge PC. 't Gebruuk van nen PC verschilt van gebruker noa gebruker, mêestol goa 't over surfn ip 't internet, digitoale foto's beheern, tekstn verwerkn of spellekes.

Hardware[bewerkn | brontekst bewerken]

De hardware van nen computer zyn olle onderdêeln in of rond dien computer. De hardware van nen computer verschilln vele van computer tot computer, moa normoal kun je volgende hardware onderscheidn:

Binn de computer[bewerkn | brontekst bewerken]

  • De kasse, das de butenkant van de pc woarin da olle hardware zit.
  • 't Moederbord, is een ploate woarip dat ol de binnenste hardware gemonteerd es.
  • De processor, kunn we zien lik 't erte van de computer, een andere noame is CPU, wuk da stoat vo Central Processing Unit. De Processor moakt olle berekeniengn in de computer.
  • De arte ploate is de schyve in de computer woarip dat olle software ipgeslagn is.
  • 't Werkgeheugn is de plekke woar da olle dingn die ip da moment in gebruuk zyn, ipgesloagn zin.
  • De groafische koarte makt da 't gêen de computer doet ip et scherm kan kommn
  • Der kunn wok nog ander diengn in de computer zittn, mo de lyste is styf lank.

Rond de computer[bewerkn | brontekst bewerken]

  • Et scherm, vo beeld te een
  • De muze, is een besteuringsapparoat vo de computer
  • Et toetsnbord of keyboard in 't Ingels, is wok een besteuringsapparoat.
  • Dikwylsn zyn der wok nog boksn.
  • Glyk binnenin zyn der wok nog styf veel andere meugelikeedn.

Software[bewerkn | brontekst bewerken]

Ip nen pc stoat der veel software. Êen van de belangrykste davan is et besteuringssysteem da eindelyk olles ip de computer regelt. De bekenstn is Microsoft Windows, moa der bestoan wok andere besteuringssysteemn: Mac OS, Linux in ol zyn varianten en ol zuks.