Peter Van Dievoet

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Kustwestvlams.

Beeldhouwwerk Het Wit Lammeken in Brussel deur Peter van Dievoet (1696)

Peter Van Dievoet (Brussel, (gedopt) 29 juni 1661 - Brussel, 2 moarte 1729) was e Brabantschn beeldhouwer die geweund èt in Brussel en in Londn.

Je was de broere van Philippe Van Dievoet, goudsmed en roadsman van Louis XIV van Frankryk en de noenkel van de boekdrukker Guillaume Van Dievoet (Vandive).

Os keunienk James II van Iengeland in Brussel verblêef, wast 'n oender den indruk van 't talent van de joenge beeldhouwer en je stelde vôorn vo mee te goan noar Iengeland. Van Dievoet arriveerde azo in Londn, met de keunienk ip 't zelfste schip. Je makte in 1686 't standbeeld van James II vo St. James's Park in Londn.

Je kêerde were noa Brussel achter de Revoluusje van 1688 (the Glorious Revolution). In 1695 wast 'n mêester van de Vier Gekrôondn in Brussel, de gilde van de stêenhouwers en beeldhouwers. Zyn werk wierd styf g'apprecieerd en je was betrokkn by de bouw van de nieuwe Grôte Markt van Brussel in barokstyl. De latste originele beeldhouwwerkn van Peter van Dievoet zyn te viendn in Brussel, moa vele èn de sloop van oude pandn nie overleefd.