Pissebeddn

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Pissebeddn of zwyntjes (Isopoda) zyn 'n orde van kriftachtign die in zee-of zoetwoater leevn, moa sommigte hèn hunder angepast ip 't land. Z' hèn allemolle e gesegmenteerd uutwendig skelet, twêe poar antennes, zeevn poar pootn ip de thorax en vuuf poar vertakte anhangsels ip hunder buuk die gebruukt wordn vo t' oasmn.

Sommigte pissebeddn eetn dood of rottnd materioal van plantn of beestn, andere zyn groazers of leevn van plankton, sommigte eetn leevnde beestjes en andere zyn parasietn surtout ip vissn. Soortn die ip 't land leevn zyn meestal te viendn ip koele, vochtige plekkn. Sommigte rolln hunder in e bolletje vor hunder te verdedign of vo vocht vaste t' houdn.

Der zyn weireldwyd meer of 10.000 soortn Isopoda. Oengeveer 4.500 soortn leevn in zee, meestal ip de bodem, 500 soortn in zoetwoater en 5.000 soortn ip 't land. D' orde is oenderverdeeld in elf oenderordes.

Taxonomie[bewerkn | brontekst bewerken]

D' oenderordes zyn:

  • Asellota
  • Calabozoidea
  • Cymothoida
  • Limnoriidea
  • Microcerberidea
  • Oniscidea: landpissebeddn, woaroender de ruwe of geweune pissebedde (Porcellio scaber)
  • Phoratopidea
  • Phreatoicidea
  • Sphaeromatidea
  • Tainisopidea
  • Valvifera
Wikimedia Commons