Poaliengbeke

Van Wikipedia
Dit artikel es geschreevn in 't Ypers, en da zou best ozô bluuvn.

De Poaliengbeke vanuut de lucht ezien
Plakkoate an 'n inkom

De Poaliengbeke is e combinoasche va woater en bus die tusschn Zillebeke, Ollebeke en Vormezêle ligt. 't Is 't grotste provinschedoming van West-Vloandern, me ze 236 ectoare.

Geschiedenisse[bewerkn | brontekst bewerken]

Wuk da nie vele menschn weetn, is dat de Poaliengbeke e voart is dan ze uutegroavn en roend d'êeuwwisselienge van 19sn en 20sn êeuwe. De bedoelienge wos voen Yper te verbienn me de Leie in Koomn. Da wos gemakkelikker ezeid of edoan omdat deur 'n slichn oendergroend d'oevers ossan were invieln. 'n Êestn Weireldôorloge et er definitief vôorn ezord da de plann nie uutevoerd rochtn. Nu ku je nog 't één en 't ander zien van die pogiengn: 't zyn nog twêe sluuzn en een stiksje van voart over ('n Droogn Voart).

In 1973 is 't gebied oopnesteld voen 't grô publiek. In 't begun wos er 70 ectoare, mo deur 'n ankoop van stikkn bus en boeregroend, is 't vermidderd toet wuk da 't nu is.

Bezigoudienge[bewerkn | brontekst bewerken]

Buutn wandeln, zyn der oek nog aar diengn:

  • E speelbus
  • Cafetaria en restorang
  • Speelpling
  • 't Begunn en 't passeern va vele véloroutes

Externe koppelienge[bewerkn | brontekst bewerken]