Poolcirkel
E poolcirkel is e geogroafischn term vor 'n imaginaire cirkellyne (brèedtecirkel of parallelle) ip oengeveer 66°33'55" (66,565°) NB of ZB. Der is e nôord- en e zuudpoolcirkel.
Binn de poolcirkels komt de zunne minimoal êen dag per joar nie ip en goat minimaal êen dag per joar nie oender. 't Antal doagn per joar dat de zunne nie ipkomt of nie oendergoat, wordt grotter noarmoate je vanof de poolcirkels in de richtinge van de pooln goat. Juste ip de geogroafische Nôordpole en de geogroafische Zuudpole goat de zunne binst de pooldag (middernachtzunne) 'n half joar nie oender en je komt binst de poolnacht 'n half joar nie ip.