Raversyde (provincioal domein)

Van Wikipedia
Naar navigatie springen Naar zoeken springen
Dit artikel es geschreevn in 't Ostends, en da zou best ozô bluuvn.


Het provincioal doming Raversyde is e doming geleegn in 't gehucht Raversyde in de duunn neffest Mariakerke, dèèlgemèènte van Ostende. 't Is in 1988 opgestart en wor nog alle joarn uutgebouwd.

Geschiedenisse[bewerkn | brontekst bewerken]

Raversyde es geleegn ip 't voormoalige Keunienklik Doming va Leopold II, die 't stik duunn gekocht et in 1902. In 1904 et 'n der een oetn gebouw op loatn bouwen, de zogenoamde Noorse Chalet. De Duutschers en da gebouw ofgebrookn in den Èèste Wereldorloge, omdat ze der een kustversterkienge wilde uutbouwn. In den Twidde Wêreldorloge woarn de Duutschers doa were, en schakelden ze 't doming in, in den Atlantikwall. Achter de keuniengskwestje is prins Karel der gon weunn toet in 1981, toet dat 'n 't verkocht et an de Belgische stoat. Sederton is't doming ersteld in zyn vroegere glorie; in 2000 is de archeologische site Walraversyde geoopnd.

Bezienswoardigeedn[bewerkn | brontekst bewerken]

Olles da me Raversyde te moakn et, e ze pleksje gekreegn in 't doming:

  • Openluchtmuseum Atlantikwall: 60 construcsjes ut de Twidde Wêreldorloge, verboenn me twi kilometers gangn (ook e klèèn dèèl ut den Èèste Wêreldorloge).
  • Memoriaal Prins Karel, med et Paviljoen van de Prins, een typisch vissersuuzetje.
  • Archeologische site Walraversyde: e voorstellienge van een Middelèèuws visschersdorp.

Congressn[bewerkn | brontekst bewerken]

Soms wordn der ook congressn g'oedn: van 16 tot 19 november 2006 ging ter byvoorbeeld een internationoal congres deure over de Atlantikwall.

Ofbeeldiengn[bewerkn | brontekst bewerken]

Externe koppelienge[bewerkn | brontekst bewerken]

Wikimedia Commons