Red Zebra

Van Wikipedia
Naar navigatie springen Naar zoeken springen
Dit artikel es geschreevn in 't Brugs, en da zou best ozô bluuvn.

Red Zebra up 't Juice Festival in Veurne, 15 augustus 2009
Badge uutgebrocht ter gelegenheid van Red Zebra zyn êeste single

Red Zebra is e muziekgroep uut Brugge.

Red Zebra bestoat ol sedert 1978, mor ze noemdn in 't begun nog The Bungalows. Teegn dan ze de noame Red Zebra hèn angenoomn bestoend de line-up uut Peter Slabbinck (zang) Geert Maertens (gitaar), Jan Dhondt (basgitaar) en Johan Isselee (drums)). Achter dênze up Humo's Rock Rally '80 een goeie beurte gemakt ên, ên z'under êeste singel upgenomen : "I can't live in a living room / Innocent people / Graveyard shuffle". Vôrol "I can't live in a living room" is nu een cult klassieker, e protest teegn 't geweune, broave burgerleevn. De muziek van Red Zebra zweefde e bètje tusschen new wave en punk in. In 1981 stoendn z' ip 't Seaside festival.

Achter under eeste volledigen LP in 1983 (Maquis) zakte 't succes; ze stoptn dermee in 1986. Mo dorachter kwaamn ze were toope, zyn ze were gesplit, was 't er were e reünie... en da bleef mo deurn.

In 2007 is Red Zebra were begunnn toern. Teegn 't ende van 2010 was d'er onêenigheid over plannn vo de toekomste, en Peter Slabbinck hèt de noame Red Zebra meegenoomn en met ander personêel oender die noame vortgedoan. D' andere leedn, Geert Maertens, Sam Claeys, Johan Isselee en Chris de Neve hèn 'n groep met de noame Elements upgericht.

In 2017 kwaamn ze were overeen en spiln ze were toope.

Bezettienge[bewerkn | brontekst bewerken]

  • Zangers: Peter Slabbynck, Patrick Provoost
  • Drum: Johan Isselee (gestopt in december 2010), Stef Deryck (vanof december 2010)
  • Bas: Jan D'Hondt (gestopt in 1981) Chery Derycke, Pip Vreede (gestopt in 1996), Jurgen Surinx (d'rbie sedert 1996, gestopt in december 2010), Jean-Marc Talloen (vanof december 2010)
  • Gitoare: Geert Maertens (gestopt december 2010), Bruno Melon (gestopt in 1996), Nicolas Delfosse (d'rbie sedert 1996 - gestopt in 2003)
  • Gitoare: Sam Claeys (vanof 2005 toet december 2010), Bert Van Hoeylandt (vanof december 2010), Jorn Vander Straeten (vanof december 2010)

Singels[bewerkn | brontekst bewerken]

  • Innocent People (1980)
  • TV Activity (1981)
  • Lust (1982)
  • Polar Club (1983)
  • John Wayne (1997)
  • Sanitized For Your Protection (1997)
  • Spit On The City (2004)
  • No Kitchen in the House (2010)
  • I Can't Live In A Living Room (2011)

Albums[bewerkn | brontekst bewerken]

  • Bastogne (EP) (1981)
  • Maquis (1983)
  • Always (1984)
  • A Red Zebra Is Not A Dead Zebra (1994)
  • Mimicry (1997)
  • Last Band Standing (2001)
  • Don't Put Your Head In A Bucket (2002)
  • Kookaburra (2004)
  • Live In Front Of A Nation (2008)
  • Eighties (2008)

Compiloasjies[bewerkn | brontekst bewerken]

  • From Ape To Zebra - Best of (1992)
  • The Art Of Conversation (2002)

Externe koppeliengn[bewerkn | brontekst bewerken]