Remi van Leemput

Van Wikipedia

Portreit van Henry Hyde, viscount Cornbury en zyn vrouwe Theodosia
Kopie van 't werk van Hans Holbein de Joengn, UK Royal Collection

Remi van Leemput of Remigius van Leemput, in 't Iengels Remee (Antwerpn, 19 december 1607 - Londn, 4 november 1675) was e Brabantsche portreitschilder die surtout actief was in Iengeland.

Je verhuusde verzekers noa Londn roend 1632. Je werkte tegoare met Antoon van Dyck. Je makte kopies van zyn werk en ook van andere schilders lik Peter Lely. 't Zou kunn zyn dat 'n assistent van Lely gewist is.

Van Leemput krêeg e prominente posiesje in de Londnsche kunstweireld. Je kwam kunstcommerçant en e belangryke verzoameloare van schilderien en têekniengn. Achter d' execuusje van keunienk Charles I van Iengeland in 1649 wierd zyn kunstverzoamelienge verkocht vo zyn schuldenoars te kunn werebetoaln. Van Leemput was actief ols koper van de kunstwerkn van de keunienklike collecsje. Je verwierf 35 schilderien en beeldhouwwerkn uut die verkoop over e periode van zes moandn. Je kocht werkn van Titiaan, Giorgione, Van Dyck, Correggio en Andrea del Sarto.

Werk[bewerkn | brontekst bewerken]

Remi van Leemput stoat bekend vo zyn originele werkn moar ook vo zyn klêenschoalige kopies noa van Dyck, Lely en andere. Je makte e serie portreitn van vrouwn noa van Dyck, Lely en Samuel Cooper. Ze moakn dêel uut van de Royal Collection. Je makte ook e kopie van Lely's dubbelportreit van Henry Hyde, burggroaf Cornbury en zyn vrouwe Theodosia.

In 1667 krêegt 'n ipdracht van Charles II vor e klêene kopie te moakn van de meurschilderienge van Henry VII, Elizabeth van York, Henry VIII en Jane Seymour, geschilderd deur Hans Holbein de Joengn, in Palace of Whitehall in Londn. Van Leemput schilderde in 1669 ook nog een andere kopie van de meurschilderienge (Petworth House, Petworth, West Sussex, Iengeland). De twêe kopies zyn d' ênigste overgebleevn documentn van Holbein zyn composiesje, deur brand verwoest in 1698.

Wikimedia Commons