Rikkeburg

Rikkeburg Richebourg

Rikkeburg in 't arroundissement Bethune
Geografie
Regio	Hauts-de-France
Departement	Nauw van Kales
Arroundissement	Bethune
Kanton	Beuvry
Coördinoatn	50°34′NB 2°44′OL
Ippervlak	17,31 km²
Inweuners
Inweuners Bevolkiengsdichtheid	2590 (2015) 150 inw./km²
Andere
Burgemêester	Gérard Delahaye
Postcode	62136
Webadres	Site van Rikkeburg

Rikkeburg ofte Rykeburg (Frans: Richebourg) es e gemêente in Vrankryk in't departement Nauw van Kales. 't Grenst an de gemêentn De Gorge, Wentie, Nieuwkapelle, Lorgies, Violaines, Festubert, De Kouter, Oedekapelle en D'n Strôom en ligt teegn de schreve me 't Noorderdepartement. In tydde lag Rikkeburg ip't schee'n tusschn Frans-Vloandern en Artesië. Langsn Rikkeburg lôopt de riviere de Loisne.

Geschiedenisse

D'uudige gemêente ountstound ip 21 februoari 1971 deur 't tôopesmittn van de vroegere gemêentn Rikkeburg-Vôogdeye (Richebourg-l'Avoué in't Frans) en Rikkeburg-Sint-Voast (Richebourg-Saint-Vaast in't Frans). D'oude twêedeelienge van't dorpke, dad eigntlyk êen gehêel es, komt uut de middelêeuwn en 't systeem van feodoaliteyt, toenda d'n êen'n elft eigndom wos van de Sint-Voastabdeye van Atrecht en d'n andern toebedêeld wos an d'hêern van Bethune, die de vôogdn of weireldlyke beschermers woarn (avoués in't Frans) van d'abdeye.

Beziensweirdigeedn

De Sent-Laurentkerke
De Portugeesche militaire begroafplekke woa der 1831 Portugeesche gesneuvelde liggn uut 'n Êestn Weireldoorloge
Der zyn ôok êenigte Iengelsche militaire begroafplekkn uut 'n Êestn Weireldoorloge:
- Le Touret Military Cemetery, mè mêer of 900 gesneuvelde. Ier es ôok 't Le Touret Memorial, da de mêer of 13.000 vermiste gesneuvelde erdenkt.
- Rue-des-Berceaux Military Cemetery, mè mêer of 400 gesneuvelde
- St. Vaast Post Military Cemetery, mè bikkans 800 gesneuvelde
't Neuve-Chapelle Indian Memorial van't Indische regiment van't Britse leegr ligt eigntlyk vo e grôo stik ip't groundgebied van Rikkeburg, ip de wyk la Bombe

De Sent-Laurentkerke van Rikkeburg
De Portugeesche militaire begroafplekke
Le Touret Memorial

Ofbeeldiengn die ier by passn ku je vien in de categorie Rikkeburg van Wikimedia Commons.