Nauw van Kales (departement)

Van Wikipedia
Naar navigatie springen Naar zoeken springen
Vrankryk Nauw van Kales
Pas-de-Calais (62)
Pas-de-CalaisFlag.gif Pas de Calais Arms.svg
Pas-de-Calais-Position.svg
Liggienge van't Nauw van Kales in Vrankryk
Regio Hauts-de-France
Hoofdstad
(Préfecture)
Atrecht (Arras)
Sous-préfectures Bethune
Bonen
Kales
Lens
Monsterole
Sint-Omoars
Ippervlak 6.671 km²
Inweuners

Bevolkiengsdichtheid

1.470.725 (2016)
220 inw./km²
Arrondissementn 7
Kantongs 39
Gemêentes 891
{{{foto}}}
{{{byschrift}}}

't Nauw van Kales (Frans: Pas-de-Calais) es e departement in de regio Hauts-de-France in't nôord'n van Vrankryk (nummer 62). De noame komt van de gelyknoamige zêe-nauwte tusschn Vrankryk en Iengeland die o de nôordwestkantn van't departement ligt. Inweuners van't Nauw van Kales word'n in't Frans Pas-de-Calaisiens genoemd. D'ôofdplekke es Atrecht (ofte Arras in't Frans).

Geschiedenisse[bewerkn | brontekst bewerken]

't Departement Nauw van Kales es één van de 83 departementn die gecreëerd zyn binst de Fransche Revoluusje, de vierde moarte 1790. 't Groundgebied dervan bestoat vo't grôotste gedêelte uut 't vroegere groafschap Artesië angevuld mè en stik uut d'oude provinsje Picardië, mè ier en doar e klêen stikske da in't Ancien Regime by 't Groafschap Vloandern ôordigde. Lodewyk XIV ad Artesië en êeuwe idder verooverd up de Spoansche Nederlandn.

Et Nauw van Kales eit styf geleen ounder de Duutsche bezettienge binst den Êestn Weireldoorloge. 't Wos een van de grotste slagveldn.

't Departement vormde vroeger tôope mè 't Noorderdepartement de Fransche bestuurlikke regio Nôord-Nauw van Kales, mo ôort sedert d'erindêelienge van de Fransche regio's in 2016 by de nieuve regio Hauts-de-France.

Geografie[bewerkn | brontekst bewerken]

Koarte van de belangrykste woaterweugn in't Nauw van Kales

't Nauw van Kales grenst an't Nôorderdepartement in't nôordôostn en't ôostn en an't departement Somme in't zuud'n. O de westkantn ligt et Iengels Kanoal en in't nôord'n en nôordwestkantn ligg'n de zêenauwte Nauw van Kales en de Nôordzêe. De kuststrooke wierd d'Opoalkuste genoemd. 't Es iere da ôok Koap Blankenesse en Koap Zwartenesse ligg'n.

Deur't departement lôopn teffrente gekende rivier'n; O de nôordkantn ligg'n stikk'n van de Deule, de Leie en de Aa die olledrie gedêeltelyk de schreeve vorm'n mè 't Nôorderdepartement. In't ôostn ligt de Skarpe die van 't ôofdplekke Atrecht richtienge Dowoai in't Nôorderdepartement strôomt en doar uutmoundt in de Schelde. Mêer o de zuudkantn liggn de Canche en d'Otie die van't Plateau van Artesië westwoarts noa't Iengels Kanoal strôom'n. D'Otie vormt de grenze mè 't departement Somme en es istorisch de schreeve mè de regio Picardië. De Ternas es e zy-riviere van de Canche en gaf oar noame an de streke Ternasland. In't nôordwestn ligt ôok nog de Liane die by Bonen in't Kanoal uutmoundt.

't Ôogste punt van't departement Nauw van Kales es 212 mèiters ôoge en ligt ip't groudgebied van de gemêente Alkn in de côtée van Bonen.

Arroundissementn[bewerkn | brontekst bewerken]

't Departement Nauw van Kales bestoat uut zeevn arroundissementn en et 39 kantongs en 891 gemêentn. De zeevn arroundissementn zyn:

Grotste steedn[bewerkn | brontekst bewerken]

Et departement es een van de dichtst bevolkte en mêest verstedelikte regio's van hil Vrankryk. De tien grotste gemêentn noar inweunertal zyn:

# Gemêente Inweuners (2016)
1 Kales (Calais) 74.978
2 Bonen (Boulogne-sur-Mer) 41.669
3 Atrecht (Arras) 40.883
4 Liévin 30.936
5 Lens 30.689
6 Hénin-Beaumont 25.901
7 Bethune 25.186
8 Bruay-la-Buissière 22.230
9 Avion 17.900
10 Carvin 17.167

Commerce[bewerkn | brontekst bewerken]

Lange tyd woarn de koolpittn e grote bronne voe werk voe de hele streke. An 't ende van de twintigste eeuwe woarn ze nie mei rendoabel en de bedryvn die de pittn uutboattn, giengn failliet. De gevolgn voe de platselikke bevolkienge woarn desastreus. In de kortste keern ountstound d'r grote weirklôoseid. De streke es momenteel een van de oarmste regio's van heel 't land.

Sinsdien focust et departement em mêer up Iengeland, da oundertusschn een van de nauwste handelspartners es gekomm'n.

Externe koppelienge[bewerkn | brontekst bewerken]

Wikimedia Commons