Rombout Verhulst

Van Wikipedia

Buste van Jacob van Reygersberg

Rombout Verhulst (Mecheln, 15 januoari 1624 - Den Haag, 27 november 1698) was e Brabantschn barokbeeldhouwer en têkenoare die e grôot dêel van zyn leevn werkte in de Republiek van de Verênigde Nederlandn.

Leevn en werk[bewerkn | brontekst bewerken]

Je studeerde in Mecheln by de beeldhouwers Rombout Verstappen, Frans van Loo en misschiens ook Lucas Faydherbe. Der wordt veroendersteld dat 'n tusschn 1646 en 1654 e reize makte noar Italië. Je verhuusde in 1654 noar Amsterdam woar dat 'n oender den Antwerpsche beeldhouwer Artus Quellinus I an de decoroasje van 't nieuw Paleis ip de Dam werkte. Zyn zelfstandige posiesje oender de medewerkers van Quellinus is te merkn an 't feit dat 'n den ênigstn was die ênigte werkn in da project signeerde. Je verhuusde roend 1663-64 noa Leidn woa dat 'n verschillige ipdrachtn uutvoerde vo stedelike gebouwn. Je krêeg doar ook zyn êeste grôte ipdrachtn vo grafmonumentn. In 1664 giengt 'n weunn in Den Haag woar dat 'n in 1668 lid wierd van de gilde.

Rombout Verhulst is surtout bekend deur zyn vele grafmonumentn, moa je makte ook portreitbustes, beeldn vor in den hof en klêene ivoorsnywerkn. Êen van zyn beste portreitbustes is dendeen van Jacob van Reygersbergh van 1671 in 't Getty Museum in Los Angeles. Zyn hoofdwerk is wel 't proalgraf van Michiel de Ruyter in de Nieuwe Kerke in Amsterdam.

Wikimedia Commons