Saturnus (planete)

Van Wikipedia
Ga naar: Begunplekkn, zoeken
E kleurenofbeeldienge van Saturnus gemakt van drie foto 's getrokken dur den 'Hubble' telescoop. De verschillnde kleurn toogn d'oogten en saamnstelliengen van de wolklaagn.
Grootteveroudienge Eirde en Saturnus

Saturnus is van de zunne of gereeknd de zesde planete in ons zunnestelsel en achter Jupiter de grôotste. Olletwêe de gasreuzn zyn zogezeide 'buutnplaneetn'. Saturnus is vernoemd no de Romeinse god van de landbouw, Saturnus. Saturnus is ol sins de prehistorie bekend.

Saturnus in cyfers[bewerkn | brontekst bewerken]

  • Gemiddelde boanesnelheid : 9,7 km/s
  • Hellienge van het boanvlak tegenover 't boanvlak van d'eirde : 2,49°
  • Soortelikke massa (Dichtheid) : 0,69 g/cm3
  • Oentsnappiengssnelheid : 35,5 km/s
  • Diameter: 120.536 kilometer
  • Ofstand van de zunne: 1.429 miljoen kilometer

Samenstellienge[bewerkn | brontekst bewerken]

De samenstellienge van Saturnus gelykt vele ip de die van Jupiter. In 't middn is't er een rotsachtige kern, met doarroend e mantel van vloeiboar metallieke woaterstoffe, gevolgd deur e laage van moleculaire woaterstoffe. De temperateure in de kern bedraagt 12 000 K. Deur 't Kelvin-Helmholtz mechanisme stroalt Saturnus mêer energie uut of dat ie van de zunne krygt. Die energie-uutstroalienge wordt versterkt deur de wryviengswarmte die vrykomt os helium in de mantel tegen waterstoffe bokst.

Deur zyn rappe rotoasje (10h 14m an den evenoare, 10h 41m ip ogere brêedtegroad'n) is Saturnus no de pooln toe redelik ofgeplat.

Atmosfeere[bewerkn | brontekst bewerken]

Samenstellienge atmosfeer
Woaterstofgaze (H2) 96 (±2) %
Helium (He) 3 (±2) %
Methoan (CH4) 0,4 (±0,2) %
Woaterdamp (H2O) 0,1%
Ammoniak (NH3) 0,012 (±0,008) %
Ethoan (C2H6) 0,0007 (±0,0002) %
Fosfine (PH3) 0,0001%
Propoan (C3H8) sporen
Ethyn (C2H2) sporen

D'atmosfeer van Saturnus bestoat voe mêer of 93% uut woaterstofgaze en voer e bitje mêer of 5% uut helium. De reste wordt ingenoomn deur methoan, woaterdamp, ammoniak, ethoan, propoan, ethyn en fosfine, die soms e ki vôornkommn.

Riengels[bewerkn | brontekst bewerken]

Saturnus is vorol gekend deur ze riengels.

Moanen[bewerkn | brontekst bewerken]

Saturnus et 62 moanen, de grotsten is Titan.

Wikimedia Commons