Scherpnberg

Van Wikipedia
Naar navigatie springen Naar zoeken springen
Scherpnberg

De Scherpnberg is êen van de getuugnheuvels in 't West-Vlams Heuvelland, ze ligt tussn De Klyte en Loker, met een top die up 125 meter ligt. De berg kryg zyn noame van 't feit dat j' ollêene stoat en scherp ogetêekend stoat 't landschap. Vanof de berg is 't er een uutzicht up de bronne en de diepe beddienge van de Bruilloosbeek die een bitje verder in de Kemmelbeke lôpt. Platselik wordt het ook Klêen Zwitserland genoemd.

Met upgraviengn up den Scherpnberg is 't er een byle van 3000 joar voa Christus uut Bretagne gevoundn.

Van 1622 toet 1918 hèt er een houten kôornmeuln up den top gestoan. Een êeste kê, in 1794, is tje deur Franse soldoatn vernield. De meuln wierdt herbouwd moa was beschaodigd in een storm. In den êeste weirldôrloge wierd den berg en de meuln as een observoatiepost gebruukt deur 't Iengels leger, moar in 't voarjoarsoffensief van 1918 is tje were vernield gewordn en nie mè herupgebouwd.

Wielrennen[bewerkn | brontekst bewerken]

De hellienge is in 1972 upgenoomen in Gent-Wevelgem. Z' is ook een poar kêern officieus beklommn. An den andere kant uut de richtienge van Reningelst komt den Zandberg omhoge, die veel minder steil is en die up de weg tussn Loker en De Klyte uutkomt.

Zandberg
Top 90 m
Locoatie Euvelland
Startplekke Reningelst
Ôogteverschil 22 m
Lengte 1.200 m
Stygiengs-% (gem) 2,3 %
Steilste stik 6 %
Scherpnberg
Top 125 m
Locoatie Euvelland
Startplekke De Klyte
Ôogteverschil 73 m
Lengte 800 m
Stygiengs-% (gem) 9,1 %
Steilste stik 17 %