Sint-Moartenspling

Van Wikipedia
Naar navigatie springen Naar zoeken springen
Dat artikel es oorsprounkelik geschreevn in 't Noordelik West-Vlams.

Sint-Walburgakerke an 't Sint-Moartenspling.

't Sint-Moartenspling is e pling in Brugge.

Geschiednisse[bewerkn | brontekst bewerken]

't Plingsje in kwêstje lag te middn van 't kommersjêel kwartier van d' Iengelsche en de Schottn. 't Wierd ton ook de "Schottnplatse" hêetn.

In 't begun van de 16ste êewe giengn de Schottn weg en ze wierdn ziedre stilletjesan vergeetn.

Ip den oek van de Korte Riddersstroate en de Boogoardstroat stoendr 'n uus, genoamd "Sint Moartn", da in 1640 êrbowd wierd en woaby in de geevl e stêen wierd ingemetseld mê de beeltnisse van Sint Moartn. De noame kwam in gebruuk lik platsanduudienge.

Alle twêe de noamn wierdn nog e tyd tegoare gebruukt, lik in

  • 1579 : Sint-Maertensplaetse ofte Schottenplaetse.

Tgêene da teegnwôordig 't Sint-Moartenspling is, ku moejlik vor e vulwoardig pling deuregoan, iddre lik e verbriddrienge van e stroate, zjuuste vôo de Sint-Walburgakerke.

't Ping poalt an de Korte Ridderstroate, de Keunienkstroate, de Hôornstroate en de Boogoardstroate.

E bitje voddr kykn[bewerkn | brontekst bewerken]

  • (nl) Schoutteet, Albert 1977 : De straatnamen van Brugge. Oorsprong en betekenbis, Brugge, ISBN 9789062675036.
  • (nl) Beernaert, Brigitte e. a. 1991 : Huis van Hamme, in : 18de-eeuwse architectuur in de binnenstad, Open Monumentendag 1991, Brugge.
  • (nl) Beernaert, Brigitte e.a 1993 : Sint-Maartensplein, Sint-Walburgakerk, in : 17de-eeuwse architectuur in de binnenstad, Open Monumentendag 1993, Brugge.
  • (nl) Beernaert, Brigitte e. a. 2001 : Sint-Maartensplein, Huis van Hamme, in : Monument en metaal, Open monumentendagen 2001, Brugge.
  • (nl) Beernaert, Brigitte e.a. 2007 : Sint-Maertensplein 1, huis Ruzette, in : Wonen, Open Monumentendagen 2007, Brugge.
  • (nl) Beernaert, Brigitte e. a. 2010 : Sint-Maartensplein 3, het orgel van de Sint-Walburgakerk, in : De vier elementen, Open Monumentendag 2010, Brugge.