Sioen Industries
Sioen Industries uut Ardôoie es een bedryf die technisch textiel makt. Der weirkn 4.600 minsn in 16 veschillige landn, en moakn nen omzet van mêer of 300 miljoen euro. De ôofdzetel es in Ardôoie, en z'ein ounder andere nog een productieofdêlienge in Poperienge. Ge zult ze vôorol kennen van de gele beroepshesjes.
Structuur
[bewerkn | brontekst bewerken]Sioen Industries bestoat uut 3 ofdêliengn:
- Coating divisie: oot em bezig met het coatn van technisch textiel.
- Apparel divisie: ountwerp en makt beschermklêers
- Industrial Applications divisie: verweirkt gecoate weefsels en PVC-folies, gelyk voo vuuverfolies, kelders, airbags, schuufgordynn,...
Geschiedenisse
[bewerkn | brontekst bewerken]Jean-Jacques en Jacqueline Sioen Startten in 1960 een coatinglyne ip. In 1967 volgde een confectie-atelier, en begostn ze klêers te moakn, êest voo't binneland, moar loater voo't buutnland. In de joarn '80 ein ze een coatinglyne ipgericht, en begostn ze udder te diversifiëern. In de joarn '90 begostn de buutnlandse avontuurn, deur verschillige overnoames in Vrankryk, Ierland, Indonesië,... In 1996 gingn ze noa de beurse. De groei deur overnoames ging verrapt deure achter de milleniumwisselienge, woardeure da nen grôotn internationoale groep onstound. In 2020 et Sioen angekondigt vo van de beurse te goan.
31 mei 2021 zuln ze weg zien van de beurse.