Ozark Henry

Dit artikel es geschreevn in 't Kortriks, en da zou best ozô bluuvn.

---

Ozark Henry (29 april 1970, Kortrik), echte noame: Piet Goddaer, is ne Belgische zanger. Je weunt teg'n de Mêenpôorte in Kortrik (2006).

Piet es de zeune van Norbert Goddaer, ne belgischen componist en arrangeur van vocoale, instrumentoale en digitale muziek. Norbert Goddaer es êreleroare van harmonie, contrapunt en fuga an 't Keuninklik Muziekconservatorium in Gent en arrangeur en gastdirigent van het vroegre B.R.T.N.-kôor en bekend als zwoaren jazz-fanoat.

Piet zin liedjes keunn geklasseerd weird'n onder pop en rock, en zin nogol melodieus van oard. Doarom keund'j em ôren ip verskillende sôort'n radio's, gelik Studio Brussel en Radio Donna.

't Es êen van de weinige West-Vloamiengn dien ip MTV te zien woarn. Jei zin deurbroake noar et grôte publiek gemakt met Birthmarks, woavan der ton veelgedroaide singles zin voargebrocht. E poar vôorbeeld'n: 'Word up', 'Sweet instigator', 'Rescue' en 'Intersexual'. Jeit ôok ol ip veel festivals gestoan, Werchter was miskiens wel et grôotste.

Goddaer produceert ôok ploat'n: ie eit bievôorbeeld meegeweirkt an de ploate van Novastar: 'Another Lonely Soul' in 2004. Ge ôort em ôok meezingn ip die ploate.

Discografie

• 1996 I'm Seeking Something That Has Already Found Me
• 1998 This Last Warm Solitude
• 2001 To All Our Escapes
• 2001 Birthmarks
• 2004 The Sailor Not The Sea
• 2006 The soft machine

Filmmuziek

• 2002 Sedes & Belli - The Music
• 2006 Crusade in jeans - The soundtrack

Varia

• In 2007 es't ie soamen mè Goose de vertegenwoordiger van Belgje ip het Eurosonicfestival, een sôort alternatief Songfestival dat van 11 tot 13 januoari deuregoat in Groningen.

Externe koppelienge

• Officiëlen website