Jonathan Blondel

Jonathan Blondel (Yper, 3 april 1984) is e Woalsche foetboller, die sedert 2004 by Club Brugge speelt.

Carrière

Blondel groeide op in Ploegsteirt, e Woalsche gemêente die flak an Mêesn legt. Zyn foetbolcarrière begoste by Excelsior Moeskroen. E wos nog moa 17 toen datn voe 'n êest ki e match in Êeste Klasse speelde (7 september 2001).

Achter dat sezoen veruusnde na Tottenham Hotspur, e ploeg uut Lonn. E rochte mo ni van da bank doa. Toch wostn op 21 ogustus 2002 voe 'n êeste ki eselecteerd voe de Rôo Duvels.

In 2004, bistn 'n wienterstop, kochte Brugge nem over van Hotspur. E wos nogol moatig ekwetst, en doamei wostn nôois e basisspeler. In 't sezoen 2006-2007 goenk et beter. Voe 't moment istn e vast weirde op 't middnveld by de Club.

Eigenschappn

• Jonathan Blondel et de kwoalikke noame van e vuul spelertje te zyn. E speelt ossan verbeetn, en e zet nem ossan in, moar e goat nu en ton eki over de schreve. Doamei paktn oek dikkers gele koartn, zelfs op momentn dat hêlegansn ni nôdig is.
• Blondel is lienksbênig.