Stêenbrugge

Van Wikipedia
Naar navigatie springen Naar zoeken springen
Hillig-Herte-en-Sint-Philippuskerke in Stêenbrugge
Sint-Trudohofstee

Stêenbrugge is e wyk in 't zuudn van Assebroeke, dêelgemêente van Brugge. 't Zudelik gedêelte van Stêenbrugge ligt in d'agglomeroatie van Brugge moa wel ip 't groundgebied van de gemêente Ôostkamp.

Stêenbrugge wierd vroeger Odegem genoemd moa sedert 1800 wordt die noame nie mi gebruukt. D'oudste vermeldienge is Otinghem in 1038. In 1275 wordt de noame Stêenbrugge vo 't êest vermeld.

De noame[bewerkn | brontekst bewerken]

De noame Stêenbrugge herinnert an twi bruggn die nu nie mi bestoan: De cleene Steene brugghe lag over ‘t St.-Trudoledeken, die langs de St.-Trudoabdye vloeide en uutkwam in de riviere de Reie, en de groote Steene brugghe lag over de riviere de Reie. D’herinnerienge an de St.-Trudoabdye blêef in Stêenbrugge bewoard in de St.-Trudostroate, ‘t Sint-Trudoledeken en de Sint-Trudohofstee.

Beziensweirdigheedn[bewerkn | brontekst bewerken]

  • De Sint-Pietersabdye, e neogotisch bouwwerk uut 1879, met de parochiekerke Hillig-Herte-en-Sint-Philippus.
  • De Sint-Trudohofstee, die vroeger bezit was van de Sint-Trudoabdye
  • 't Stedelik Brugs Kerkhof, ountstoan ip 't ende van de 18e êeuwe, omdat er vo hygiënische redens nie mi mocht begroavn wordn in de binnstad. 't Is één van d'oudste kerkhoovn van België. D’r liggn e hêel dêel gekende Bruggeliengn begroavn. Ipvallende monumentn zyn de groavn van dichter Guido Gezelle, de beeldhouwers Hendrik en Gustaaf Pickery en de neogotische grafkapelle van de Brugse bisschoppn. De markantste groavn zyn angeduud met e klêen stintje met e cyfer.
  • 't Kastêel Kevergem, geleegn by 't kanoal Gent-Brugge ip 't groundgebied van Ôostkamp.
  • Touristisch wandelpad langs verschillige abdyen ip den oudn yzern weg (spoorlyne 58 Brugge-Eeklo-Gent). Die lyne wierd in de joarn tjestig van de 19ste êeuwe angeleid. In juni 1863 is de verbiendienge Moaldegem – Brugge gerealiseerd. D'r was e stoatie in Stêenbrugge. In 1959 is de sectie Brugge - Êeklo ipgedoekt vo reizigersverkêer. Tusschn 1962 en 1970 hen ze de spoorn tussen Stêenbrugge en Donk (Moaldegem) weggedoan. De verloatn beddienge groeide toe me struukn en kruudn, moa de steedn Brugge en Damme hen ton 't initiatief gepakt vo d'r een educatief wandel-en villopad van te moakn. In 1995 is 't beheer overgepakt deur de provincie en 't krêeg de noame Abdyenroute.

Zied ook noa[bewerkn | brontekst bewerken]

Wikimedia Commons