Gestrèepte kuysgeirnoare
| Gestrèepte kuysgeirnoare | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Taxonomische indêlienge | |||||||||||||||
| |||||||||||||||
| Sowrte | |||||||||||||||
| Stenopus hispidus Olivier, 1811 |
De gestrèepte kuysgeirnoare of gestrèepte koroalgeirnoare (Stenopus hispidus) is e sowrte van de Decapoda (tienpowtign) uyt de familie Stenopodidae. 't Is 'n alleseter die vele vowrnkomt in al de tropische zeien.
De gestrèepte kuysgeirnoare komt 5 toet 9 cm lank en hèt 'n ipvalnde kleur. De groendkleur is deurzichtig, moa de carapax (schild), 't achterlyf en de growte derde pereiopode zyn rowd en wit gestrèept. De basis van de powt'n is blow. D' antennes en andere pereiopood'n (looppowt'n) zyn wit. 't Achterlyf, schild en de derde pereiopood'n zyn bedekt mè stekkers.
Stenopus hispidus leeft toet ip 210 meter diepe ip koroalrifn en rotsige bodems in kloovn. 't Zyn kuysgeirnoars die troage met hunder lange, witte antennes zwoain vor ip te valn vo passeernde visn. Ze gebruyk'n hunder drie poar klauwers vo parasiet'n, schimmels en beschoadigd weefsel van de visn ip te kuyschn.
