Stove (badhuus)

Van Wikipedia
Naar navigatie springen Naar zoeken springen
Dat artikel es geschreevn in 't Zuudôostelik West-Vlams.

Een badhuus voe gemiengd gebruuk

De stove es een middeleeuws publiekelik badhus. Vele stovestroaten keun je dus werevinden in oeze steden.

In een stove was 't soms gepermiteerd om un wuf te genoaken. Het woaren dus wok bordèlen en ze loagen niet direkt in de sjiekste coté van de stee. Pertank was noa de stove goan in dien tid nie skandelik. Arm en rik kwam ter noartoe.

Dat minsen ton wok seksueel actief woaren bewyzen de beskrivingen over syfilis. Syfilis was ton nog een veel gevoarlikker ziekte dan neu, ton wos ze dodelik.

Anticonsepsie moet ter ton wok al gewist én. Achter de krusvoarten kommen der alhier vele nieuwe dingen toe. Van ton zin de stoven wok goan bloeien.

't Es verzekers te verkloaren da ze van ut het ôosten den tekniek voe drie kleine keikes in de baarmoedre in te bringen gelêerd en. 't Werkte gelik een spiroalke en 't is selfs nu nog toegepast bie de merries van kamelekaravoanen. Nen kemel die zwanger komt in den woestin tijdens de tocht es vree gevoarlik, en bringt 't overleven van de hièle karravoane in gevoar. De minsen die de keikes keun inbrengen en vree vele anzien.

De kapoote van zwinnebloazen es wok een gekend anticoncepsiemiddel ut dien tid moar es niet het enigste want de zwinnepopulatie was echt nie zo grôot in dienen tid. 't Is biekans nie te geloven da het veel gebrukt werde.

Vree warm woater vermindert de zoadkwaliteit wok, verzeker da doarom de venten jist in bad moesten.

Stoven woaren vree in trek en da weerlegt dan de middeleeuwers in de steden vulloars woaren en stonken van euren in de wind. De kronieken klappen da tegen moa da komt omda die skrivvers nie echt veel sympatie an voe het gemeen of het geweun volk.