Sylvère Maes

Van Wikipedia

Sylvère Maes (Zevekote, 27 ogustus 1909 - Ostende, 5 december 1966) wos een West-Vlamsche coureur.

't Êeste joar dat 'n prof wos, wount 'n ol Parys-Roubaix, in de sprint tegen Félicien Vervaecke (1933). Doarachter concentreerde Maes nem surtout op de Tour de France. In 1934 wos Maes den ênigstn Belg die een etappe won. In 1936 wount 'n 4 etappes en oek de eindzege in de Tour. Oek in 1937 adde Maes kunn winn, moa de Belgsche ploeg gaf collectief op (mè Maes in 't geel), omdat de koersdirecsje de Fransche favorittn vôorntrok: Lapébie angde in de cols achter d'auto's en da muchte ollemoale.

In 1939 woun Maes ze twèddn Tour. Da joar wos 'n oek 'n bestn klemmer. Achter 'n Twiddn Weireldôorloge (in 1947) dei Maes op ze 37ste nog mei an de Rounde van Italie: en oalde e schône 5de plekke. 't Joar doarop stoppnde mè koersn.

Achter z'n actieve carrière wos Maes ploegleider van de Belgen in de Tour de France van 1949 toet 1957.

Trivia[bewerkn | brontekst bewerken]

  • De bynoame van Sylvère Maes wos Lepe Peer, omdat 'n zo lêep wos in de koers. 't Zoe kunn dat da komt va père futé, die lêepn poatre wult zeggn.
  • Maes dei oek e café oopn in Gistel dat 'n Au Tourmalet noemde.
  • Sylvère Maes is gè familie va Romain Maes (1913-1983), oek e coureur. Ze rêedn wel e poar joar tope op de piste.