Tand

Van Wikipedia
Tand'n van de mens

E tand is en harde, verkalkte structeure in de koake of de moend van vele beist'n. Tand'n word'n gebruykt vo 't eet'n te knabbeln, moa sommigte beist'n, lyk carnivoorn of vleiseters, gebruyk'n z' ook vo te joagn of vor hunder te verdedign.

Vele gewerveld'n, lyk menschn, andere zoogbeist'n, de meiste koedbloewdige reptieln en vele visn, hèn tand'n. Veugels hèn gèen tand'n, moa z' hèn e scherpe snoavel of bek in de plekke.

By zoogbeist'n zit'n de tand'n meistal in de koakholtes. De wortels van de tand'n zyn bedekt mè tandvleis. By reptieln en visn zit'n de tand'n dikwyls in 't verhemelte of de moendbodem.