Taumatawhakatangihangakoauauotamateapokaiwhenuakitanatahu
In Nieuw-Zêeland es d'r nen euvel van 305 meiters oge met de noamn:
- "Taumatawhakatangihangakoauauotamateapokaiwhenuakitanatahu", of ook wel
- "Taumatawhakatangihangakoauauotamateaturipukakapikimaungahoronukupokaiwhenuakitanatahu"
Da zoudt een van de langste noamn ter weireld zyn. De lokale inweuners kortn die noame vo 't gemak geweunlik of tot Taumata.
Betekenisse
[bewerkn | brontekst bewerken]
Up de foto zie je en kleen informatiebordje woarup da de noame van dien euvel stoat, die je up den achterground kut zien. Ge zoedt et kun vertoaln lik "De top van den euvel woa da Tamatea, den vint mei de grote knieën, die weggesleerd en upgeklommn eit, en bergn na bin eit geslikt, die gekend es lik landeter, vo zyn lief de flute eit gespeeld mei zyn neuze". Ossjeblieft.
Die toale es et Maori, de officiële toale van Nieuw-Zêeland. De toale es nauwe verwant an 't Tahitioans en et Maori van de Cook Eilandn. Ze moakn ollemoale deel uut van de Oost-Polynesische toalfamilje.
Langste soamengestelde stadsnoame
[bewerkn | brontekst bewerken]De langste stadsnoame ter weireld die uut meerdere woordn es soamengesteld, es Krung Thep Mahanakhon Amon Rattanakosin Mahinthara Ayuthaya Mahadilok Phop Noppharat Ratchathani Burirom Udomratchaniwet Mahasathan Amon Piman Awatan Sathit Sakkathattiya Witsanukam Prasit. Dat es de formele ceremoniële noame vo Bangkok, oofdstee van Thailand.[1]