The Ramones

Van Wikipedia

The Ramones wos een Amerikoanschn punk-rockgroep.

Geschiedenisse[bewerkn | brontekst bewerken]

In 1974 kwamn vier jounge gastn uut Queens New York tope om muziek te moakn: Joey (zanger), Johnny (gitaar), Dee Dee (bas) e Tommy (drum). Da wos te vulln in de periode van de disco, moa disco wos nunder genre nie. Dee Dee woun 'n êestn die ze zelvn "Ramone" noemde. En ol d'ander dein nem achter. De noame Ramone komt eigentlik va Paul Mc Cartney van The Beatles: a Mc Cartney in een hotel kwam, gebruuktnde e voalsche noame: Paul Ramone.

In 1976 moakn ze nunder êeste ploate: Ramones. Nunder styl va muziek is: korte nummers, styf zêre en surtout lude speeln.

De groep et dikkers veranderd va opstelling. Marky Ramone gienk weg in 't begun va de joarn '80 (e wos mêer drounke of nuchter) en in zyn plekke kwam Ritchie. In 1987 goenk Ritchie zelve weg. Op 't moment da Marky stopte mè drinkn muchn'de were kêern in de groep. In 1989 goenk Dee Dee, die ol de songs schrêef, weg voer e solo-carrière (die ol gèn kantn marcheerde).

De Ramones stopnde in 1996. Z'en vele gastn kunn beïnvloen, moa toch en ze nôois styf vele ploatn verkocht. In 2001 gink Joey Ramone dôod. In 2002 Dee Dee Ramone. In 2004 Johnny Ramone.

Typisch Ramones[bewerkn | brontekst bewerken]

  • Typisch voe nunder is de zinnetjes die ze overol en ossan tusschn smytn: Gabba Gabba Hey en oek Hey Ho, Let's Go. Op live optreedns begunt de bassist ouk ossan mè te zeggn: one-two-three-four.
  • Nunder imago is ouk speciaal: z'addn ollemoale e zwort leern vestje an, nunder oar wos slykevet, e ze verroernde va gè vinne azze optraadn.

Discografie[bewerkn | brontekst bewerken]

  • Ramones (1976, studio)
  • Ramones Leave Home (1976, studio)
  • Rocket to Russia (1977, studio)
  • Road to Ruin (1978?, studio)
  • Rock 'n Roll High School (1979, soundtrack)
  • It's Alive (1979, live, ollêne in Iengeland)
  • End of the Century (1980, studio)
  • Pleasant Dreams (1981, studio)
  • Subterranean Jungle (1983, studio)
  • Too Tough to Die (1984, studio)
  • Animal Boy (1986, studio)
  • Halfway to Sanity (1987, studio)
  • Ramones Mania (1988)
  • Brain Drain (1989)
  • Loco Live (1992, live)
  • Mondo Bizarro (1992, studio)
  • Acid Eaters (1994, covers)
  • Adios Amigos (1995, studio)
  • We're Outta Here (live, nunder latste optreedn)
  • Anthology

Externe koppelienge[bewerkn | brontekst bewerken]