Thomas Blondeau

Thomas Blondeau (Poperienge, 21 juni 1978 - 20 oktober 2013) wos e West-Vlamsche schryver, dichter en journalist.

Zyn werk

Blondeau studeerdege an de Katholieke Universiteit Leuven en an d'Universiteit Leiden. E wos joar'n an e stik endredacteur van 't Leids universiteitsblad Mare. E schrêef ounger anger vo NRC Handelsblad, nrc.next, De Standaard, De Morgen, Goedele en Klara.be.

Thomas Blondeau debuteerde in 2006 met de romang 'eX'. In 2010 kwam ze twidd'n romang uut: 'Donderhart', e romance die nem ofspeelt in Lond'n teeg'n 'n achterground van d'ansloag'n in juli 2005. Zyn derd'n romang 'Het West-Vlaams versierhandboek' is verscheen'n in september 2013. E publiceerde ouk poëzie in literaire tydschrift'n.

Persôonlik

Thomas Blondeau wundege in Amsterdam, moar e kwam nog na de Westouk, na zyn ouderlik uus. En 't is in zyn gebôorteplekke Poperienge dat 'n in 2013 op 't ounverwachts dôod egoan is an en aortabreuke.

Werk

eX, 2006, 351 blz., De Bezige Bij - Amsterdam, ISBN 9023420691
Donderhart, 2010, 313 blz., De Bezige Bij - Amsterdam, ISBN 9789023454748
Het West-Vlaams versierhandboek, 2013, 252 blz., De Bezige Bij – Amsterdam, ISBN 9789023477815
De boekendokter, 2014, 239 blz., De Bezige Bij - Amsterdam, ISBN 9789023486886