Thor Hushovd

Van Wikipedia
Thor Hushovd vôorn 'n Omloop 't Nieuwblad van 2009.

Thor Hushovd (18 januoari 1978, Grimstad) is e Nôorschn coureur die sedert 2009 voun Cervélo Test Team rydt. En is surtout ekend voun zyn sprints en zyn tydryen, ol rydt 'n oek goed in de Vlamsche klassiekers.

Carrière[bewerkn | brontekst bewerken]

Hushovd wos êen van de beste beloftn van zyn tyd en ne won oundermêer 't weireldkampioenschap tydryen, Parys-Roubaix en Parys-Tours in zyn latste joar, 1998. E wos up 't ende van da joar stagiair en kwam echt prof 't joar derup. E het bykan hêel zyn carrière byn Crédit Agricole ereen, in 2009 is 'n veranderd no Cervélo, achter da Crédit Agricole uutschidde.

En het oundertusschn surtout rittn en de punteboais in de grôte roundn ewonn, semi-klassiekers lik 'n Omloop 't Nieuwsblad en Gent-Wevelgem, 't Nôors kampioenschap en ol wel êreplekkn hoald in platte klassiekers lik Parys-Roubaix en Milaan-San Remo. Zyn punteboais pakt 'n surtout deur zyn regelmoate: in 'n Tour van 2005 won 'n de groenn boai zounder e rit te winn, in 'n dienn van 2009 intje, Cavendish wont er zesse. In 2006 wont 'n proloog en muchte 3 doagn 'n gilvn boai andoen, in 'n êestn sprint krêeg 'n e PMU-handje teegn zyn arme, woadeure dat 'n en indelikse neuke hadde.

Beste uutsloagn[bewerkn | brontekst bewerken]

  • 2001: 1 rit (ploegntydrit)
  • 2002: 1 rit
  • 2004: 1 rit
  • 2005: groenn boai
  • 2006: 2 rittn (proloog + sprint)
  • 2007: 1 rit
  • 2008: 1 rit
  • 2009: 1 rit + groenn boai
  • 2010: 1 rit
  • 2007: 1 rit
  • 2005: 2 rittn
  • 2006: 1 rit + punteklassement

Ploegn[bewerkn | brontekst bewerken]

  • 1998-2008: Crédit Agricole
  • 2009- : Cervélo Test Team

Varia[bewerkn | brontekst bewerken]

  • Hushovd het e supporterclub in Yper, de Thorfriends.