Trekzak
Nen trekzak of trekharmonica is e muziekinstrument van de zelste familie lik den accordeong. Juste lik by den accordeong bestoat nen trekzak uut twêe kassn die mi makoar verbondn zyn via e boge. In de kassn zittn der ploatn mi tongsjes up, en up de kassn stoan der ventieln. Oe je e ventiele induwt, bloas je lucht noar e specifieke ventiele. Ol de reksche kant zittn de melodienootn, ol de linksche kant zittn de basnootn. Der zyn verschillende soortn trekzakkn. G'et er mi 1, 2 of 3 reekn knoopn ol de reksche kant.
Verschilln mi den accordeong
[bewerkn | brontekst bewerken]'t Êeste verschil mi nen accordeong is da nen trekzak wisseltonig is, juste gelik by e mondmuzik, de concertina en de bandoneong. Da wilt zeggn da j' mi dezelste ventiele e verschillige note krygt oe je trekt of oe je duwt. Mêestol is 't en holve tône verschil. 't Twidde grôte verschil mi nen accordeong is da nen trekzak diatonisch is. Da wilt zeggn da j' nie ol de twoalf nootn van en octaaf ku speeln, mor ollêne mo dedie dan in de tôonladder zittn.
Den trekzak is nie mir echt populair en is verre ollêne mo gebruukt in de volksmuzik. Den accordeong is vele populairder en is vele mêer gebruukt.