Twêekleppign

Dat artikel es geschreevn in 't Kustwestvlams.

Twêekleppign

Verschillige sôortn twêekleppign

Ryk:	Animalia (Bêestn)
Stamme:	Mollusca (Molluuskn of wêekbêestn)

Klasse

Bivalvia
L., 1758

Twêekleppign (Bivalvia) zyn e klasse van de molluuskn (Mollusca) die in zoet woater en zêewoater leevn, ook wel Pelecypoda of Lamellibranchia genoemd. De klasse omvat mussels, oesters, kokkels, scheirmesschelpn, sint-jakobsschelpn en vele andere families. Under lyf is an de zykant ofgeplat en bedekt met e schelpe die bestoat uut twêe verschillige dêeln die min of mêer symmetrisch zyn. Ze zittn an mekoar vaste en kunn oopn en toe goan. De mêeste sôortn èn gin kop of radula (rasptoenge) en krygn under eetn binn deur woater te filtern. De kieuwn, ctenidia genoemd, speeln e rolle by 't oasmn moar ook by 't vangn van de voediengstoffn in 't woater. De mêeste twêekleppign groavn under in ip de zêebodem in zand of slyk, woa dan ze veilig zyn vo roofbêestn. Andere leevn ip de zêebodem of zettn under vaste ip stêens of andere arte ippervlakkn. Sommigte kunn ook zwemmn.

Taxonomie

Volgens World Register of Marine Species (1 april 2016):

Subklasse Heterodonta
- Infraklasse Archiheterodonta
  - Orde Actinodontida †
  - Orde Carditida
- Infraklasse Euheterodonta
  - Superorde Anomalodesmata
    - 8 superfamilies zoender orde
  - Superorde Imparidentia
    - Orde Adapedonta
    - Orde Cardiida
    - Orde Lucinida
    - Orde Myida
    - Orde Venerida
    - Orde Hippuritida †
    - Orde Megalodontida †
    - Orde Modiomorphida †
    - + 10 superfamilies zoender orde
Subklasse Palaeoheterodonta
- Orde Trigoniida
- Orde Unionida
Subklasse Protobranchia
- Orde Afghanodesmatida †
- Orde Nuculanida
- Orde Nuculida
- Orde Solemyida
Subklasse Pteriomorphia
- Orde Arcida
- Orde Colpomyida †
- Orde Cyrtodontida †
- Orde Limida
- Orde Myalinida †
- Orde Mytilida (Mytiloida), mussels
- Orde Ostreida, oesters
- Orde Pectinida

Ofbeeldiengn die ier by passn ku je vien in de categorie Bivalvia van Wikimedia Commons.