Var (riviere)

Van Wikipedia
Naar navigatie springen Naar zoeken springen
De Var dichte by oar moundienge by Nice
1rightarrow blue.svgDat artikel goat over de riviere de Var. Vo 't Frans departement, kykt noa Var (departement).

De Var es 'n riviere in't zuudôostn van Vrankryk in de regio Provence-Alpes-Côte d'Azur.

De Var èit oar bronne in Estenc, e gehucht van de gemêente Entraunes, ip 'n ôogte van 1790 mèiters by de col de la Cayolle. Achter 113,8 kilomèiters moundt ze uut in de Middellandsche Zêe tusschn de plekkn Nice en Saint-Laurent-du-Var. Vôorn da't groafschap Nizza in 1860 by Vrankryk wierd gesmeetn, vormdigde de Var ier de zuudôostelyke schreeve van Vrankryk. By die ansluutienge ester e nieuw departement gemakt zynde Alpes-Maritimes, woaby ze ôok e gedêelte van't ol bestoande departement Var en gesmeetn ('t groundgebied van't uudige arroundissement Grasse). Dordeure lôopt de riviere de Var nie mêe deur 't departement da oar noame droagt, mor bikkans hillegansn deur Alpes-Maritimes, mè uutzounderienge van e klêen stikske da in Alpes-de-Haute-Provence ligt by Entrevaux.

De belangrykste zyrivier'n van de Var zyn de Cians (25 km), de Tinée (75 km) en de Vésubie (48 km) ip oar linkerkant en d'Esteron (64 km) ip de rechterkant. Klêendere zyrivierkes zyn ounder and're de Tuébi (by 't dorpke Guillaumes), de Coulomp (by de brugge van Gueydan), de Chalvagne (by Entrevaux) en de Roudoule (by Puget-Théniers).

Wikimedia Commons