Veelhoek

Verschillige sôortn veelhoekn

E veelhoek of polygone (van 't Grieks πολύς (polus): vele en γωνία (gonia): hoek) is e vlakke geometrische figeure, die gevormd wordt deur minstns drie puntn mè mekoar te verbiendn deur lynstikkn, woadeure dat er e plat vlak omslootn wordt. Ook da plat vlak wordt veelhoek genoemd. Driehoekn en vierhoekn zyn gekende vôorbeeldn van veelhoekn. De lynstikkn wordn zydn genoemd.

Sôortn veelhoekn

E simpele zeshoek.

E complexe veelhoek.

Veelhoekn wordn ingedêeld noa 't antal zydn en eevn vele hoekn.

• Driehoek (triangel of trigone)
• Vierhoek (tetragone)
  • Parallellogram
  • Rechthoek
  • Rute
  • Trapezium
• Vuufhoek (pentagone)
• Zeshoek (hexagone)
• Zeevnhoek (heptagone)
• Achthoek (octogone)
• Neegnhoek (nonagone of enneagone)
• Tienhoek (decagone)
• --

Taxonomische indêlienge

• Veelhoek: simpel of complex
• Simpele veelhoek: convex of concoaf
• Simpele convexe veelhoek: regelmoatig

E veelhoek is simpel ot 'n en ienkele grenze hèt die hemzelve nie snydt. Anders wordt 'n complex genoemd.

E simpele veelhoek wordt convex genoemd ot 'n gin interne hoekn hèt die grotter zyn of 180°. Anders wordt 'n concoaf genoemd.

E veelhoek is regelmoatig on al de zydn eevn lank zyn en al d' hoekn eevn grôot. Vôorbeeldn: gelykzydigen driehoek, vierkant.