Veloroute

Van Wikipedia
Naar navigatie springen Naar zoeken springen
Informasieplakoat van de veloroutn in de Leiestreke in Ingelmunster

Een veloroute is een route da j'oflegt vo de leute of vo een streke t'ontdekkn.

Andre routes vo veloryders gelyk boann deur grôte steedn mè express angelegde bruggn en/of boann zyn feitelyk ôok veleroutn mo mêestal goat over 't êeste. In Vloandern moakn vôorol Antwerpn en Limburg reclam over undere veloroutn mo in West-Vloandern zyn der ôok veel veloroutn. In Antwerpn en Limburg is 't mêer tussn de riviern en de beekn of de wyndruuvn- en appelplantoagn.

Deurda der in West-Vloandern veel land ligt, leent et hem ôok goed vo veloroutn in te moakn en mêer en mêer gemêentn begunn da ôok te doen of de steedn leggn extra fietsroutes (of monumentnroutes in en round 't stad) an. In Antwerpn en Limburg zyn der ol veel minsn die noa gunter trekkn vo der deur de nateur te ryen, da bringt dus goed ip vo de lokoale hotels en bed and breakfasts, dus speeln ze doa nateurlyk ip in. Da sôort toerisme noemn ze fietstoerisme.

An de kust en in 't Brugs Ommeland ('t Houtland) haddn z'ol wel wa veloroutn moa Zuud-West-Vloandern doe nu ôok ze beste om by te bêenn. Vôorbeeldn zyn de pas angeleide routn in Roeseloare: de Hoeveroute West en de Monumentenroute Oost. Soms ryen z'ôok deur bussn. De routn zyn olsan bewyzerd mè wyzers mè de noame, de lengte en de richtinge ip da j' moe ryen vo 't volgende bordje te vindn. De routn startn mêestal ip de (markt)platse van een gemêente of een stad en ge kunt der koartn over verkrygn an de toeristischen dienst in 't gemêenthuus of 't stadhuus. Verre olle veloroutn endign were woa da ze begonn.

Externe koppeliengn[bewerkn | brontekst bewerken]