Verdrag van Brugge (1167)

't Verdrag van Brugge wierd geslootn de 7ste moarte 1167 tusschn Filips van den Elzas, groaf van Vloandern, en groaf Floris III van Holland.

't Gezag over Zêeland was de reedn vo boel tusschn Floris en Filips. Floris begost tol t' heffn by Geervliet 't gêen dat de Vlamsche commerce ip 't Reynland benoadêelde. Je liet ook Vlamsche scheepn koapn en je makte met den Here van Bevern ansproak ip 't Woasland. Filips van den Elzas begost in te grypn in 1158 en Floris most hem overgeevn. In 1166 stelde Floris III den tol by Geervliet were in, woarip da Filips were ingrêep en Floris gevangn zette. Azo most Floris in 1167 't Verdrag van Brugge accepteern, woardeure dan de Vlamsche commerçantn in Holland rechtn krêegn over Zêeland. 't Verdrag bepoalde de situoasje in Zêeland vo mêer of een êeuwe.