Willy Lustenhouwer

Van Wikipedia
Dit artikel es geschreevn in 't Brugs, en da zou best ozô bluuvn.

Willy Lustenhouwer mé Ke Riema, Anton Peters, De Woodpeckers, Jaak De Vocht, Frieda Linzi en Suzy Marleen

Willy Lustenhouwer, echte name Willy Lapouter, (°Sint-Andries, 21 oktober 1920 - †Assebroek, 13 juni 1994) was een Bruggeling die in 't Brugsch zoenk en kluchtn vertelde.

Carrière[bewerkn | brontekst bewerken]

  • Willy Lustenhouwer begost mè muziek in 't orkest van den Bruggelink Xavier Geerolf. Achter een tydetjie klaptege tie ook de liedjies an mallekoar. Je begostie zelve sketchen en liedjestekstn te schryvn.
  • In 't begun van de joaren '50 kreeg tie by Radio Kortryk e program "Lachen es gezoend" en maktege tie z'n êerste ploatn. Iederêen kent nu nog z'n liedje: Zie je van Brugge. Van ton of schreef tie ol z'n liedjes in 't Brugs en vo de noten werktege tie t'hope mè den accordeonspeler Roger Danneels.
  • In de joaren '60 stapte Willy over no de BRT en presenteirde toet in 1973 populaire programs lik Eén tegen allen, Waag je kans en Spel zonder grenzen. Ie speeldege ook de rolle van Lapouter in de serie De Vorstinnen van Brugge in 1972.
  • Ip zeker ogenblik begost ie me 'n reisbureau en ton moest ie stoppn mè iptreedns en televisie.
  • Ip 't moment dat ie peisdege vo te stoppen, wildeg ie nog ene keer e oneman show maken. Deur 't grôot succes zyn d'er nog 9 achter gekommn.
  • Willy Lustenhouwer was verliefd ip 't Brugs. Je wildege zelfs een Brugs wôordenboek maken, want j'ad ol duzende woorden en gezegden ipgeschreevn. Spytig genoeg is dat er nôoit van gekommn. Toch nie van em, want da Brugsch Woordenboek is loater toch toet stand gekommn.

Persôonlik leven[bewerkn | brontekst bewerken]

  • Willy Lustenhouwer was den derden in een familie van vier joewers van wa dat er letter gekend is. Z'n Voader was oenderandere een kunstschildere, Guillaume Lapouter, die voral gekend is omdat ie ein van d'einigste is dat ooit een schilderië gemakt eet van één van de 16 meulens, namelik de Dorps meulen, die nog ooit up St- Andries ekki gestoan en.
  • Ot ie 17 joar was olde tjie z'n diploma van schoemakere, mo je was tie tonne ol twi joar up droaj met Xavier Geerolf en azo wierd tie muziekant in platse van schoemakere. Je leirde notenleer en banjo en xylofoon spelen. Olles toawpe miekt ie 612 liedjes over z'n carjeire.
  • In 1950 was tie den geilen eisten vo als Vlamienk en Bruggelienk up te treden up de Frangse tilleviesie.
  • Vor een endedje baated je ook een reisburoo uut.
  • En je deed konstant den tour de Brugge, vo te klappen tegen iederein da mo wilde luustern en babbelen, up zoch achter die oekde café liedjes en uuteindelik stak tie ze ollemolle toawpe in een boek by name van Café Chantant woarin dan der 249 volksliedjes stoenden dat ie letterlik met d'and upgeschreven aat uut de moend van meirendeels Brugse oekde van dagen.
  • Willy trouwde met Lisette Loose en zaan toawpe een dochtere, Marina Lapouter.
  • Willy aad een oengeloafelikke carjeire mo stierf up 13 Junie in 1994. Je lig begraven up t'kerkhof van ver-Assebroek, azo een vuuf kilometers van de binnenstad dat ie zo geiren zag. Z'n grafstein toogt z'n artieste name lik of damme em oltyd gekend en.
  • Azo een tien joar loatere, in Julie 2004 wierd er een homage g'oeden up de Mart in Brugge ter eire van de fameuse Brugse cabaretier, zangere en presentateur. En up 22-Julie-2004 wierden z'n Weduwe en z'n dochtere oentvangen in 't staduus van Brugge deur de tonne Brugse burgemeistere Patrick Moenaert ter eire van die Homage an Willy Lustenhouwer.


Externe koppelienge[bewerkn | brontekst bewerken]