Zêe-iengels

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Zêe-iengels (Squatiniformes) zyn een orde van hoain, die moar uut êen familie bestoan, de Squatinidae.

Zêe-iengels hèn e lyf die trekt ip e rogge. 't Lyf is ofgeplat en de vinn steekn verre noa buutn woadeure dan ze trekkn ip vlerkn, vandoar de noame zêe-iengel. Z' hèn rikvinn die verre noar achter stoan en vuuf kieuwspleetn. By de bek zittn tastdroadn.

Ze weunn ip de zêebodem, weggedookn oender 't zand of slyk, woar dan ze wachtn ip under prôoie. Ze joagn ip visjes en andere klêene zêebêestjes en ze sloan toe met under koakn woarip dan der scherpe tandn zittn.

In de Noordzêe leeft allêne moa de geweune zêe-iengel of bertelôot (Squatina squatina). Zêe-iengels kunn toet 2,5 m lank kommn.

Zêe-iengels zyn styf gevoelig vo de visscherie mè bodemsleepnettn, woardeure dan der verschillige ip de rôoie lyste zyn kommn te stoan van bedreygde sôortn.

Wikimedia Commons