Zwart Woater (riviere)

't Zwart Woater is een Hollandsche riviere in de provinsje Overyssel die ounstoat by Zwolle uut de "Soestwetering" en de "Nieuwe Wetering" en die strôomt noa 't nôordn langs "Hasselt", "Zwartsluus" en "Genemuudn" en uutmoundt in 't "Zwart Meer" die were ansluut ip 't "Ketelmeer" en 't "Kadoelermeer". De riviere is 19 kilometer lank. Ansluutnde voarweegn zyn d' "Overysselse Vecht", 't "Zwolle-Ysselkanoal", 't "Zwart Meer" en 't "Meppelerdiep".^[1]

Geschiedenisse

De noame Zwart Woater hè meugeliks nieks mè 't kleur te moakn. 't Komt woarschynlyk van "Zwet", da grenze betêkent. In oude documentn wordt de riviere ôok wel "Ons Woater" genoamd. 't Zwart Woater wos styf belangryk vo d' ountwikkelienge van de Hanzestad Zwolle; de riviere verbound Zwolle met de zêe en d' andere Hanzesteedn.

Bruggn over 't Zwart Woater

Bruggn met hunder officiële noame zyn:

Van Nahuysbrugge in de N331 in Hasselt, in 1972 in gebruuk genoomn ter vervangienge van d' oude "Van Nahuysbrugge".
Mastenbroekerbrugge in Zwolle tusschn de wykn "Stadshagen" en "Aa-landen".
Twistvlietbrugge in Zwolle tusschn de wykn "Stadshagen" en "Holtenbroek", allêne moa vo bussn, taxi's, velo's en voetgangers.
Holtenbroekerbrugge in Zwolle ip de rienk tusschn de wyk Holtenbroek en d' industriezone "Voorst".
Beatrixbrugge in de A28 in Zwolle by d' ansluutienge "Zwolle-Center".
Hofvlietbrugge in Zwolle tusschn de wykn "Diezerpoort" en "Kamperpoort".

Trivia

Ten nôordn van Zwolle moundt de Overysselse Vecht uut in 't Zwart Woater.
't Kanoal by Zwolle dat teegnwôordig 't Zwart Woater verbiendt met de Yssel is 't "Zwolle-Ysselkanoal".
Zwartsluus (Nedersaksisch: De Sluus) is een Hollands dorp en hoavnplekke in de gemêente "Zwartwoaterland" in Overyssel, geleegn ip de plekke woar da 't Zwart Woater en 't "Meppelerdiep" soamnkommn.^[2]

Referensjes

Zwartewaterlander houdt van eigen cultuur - refdag.nl

↑ Geschiedenisse van de riviere 't Zwart Woater rijkswaterstaat.nl
↑ Historie Zwartsluus an 't Zwart Woater - zwartewaterkrant.nl

Ofbeeldiengn die ier by passn ku je vien in de categorie Zwart Woater van Wikimedia Commons.

Hollandsche woaterweegn
Riviern: Boovn-Merwede \| Eem \| Eems \| Kromme Reyn \| Lek \| Merwede \| Moas \| Nederreyn \| Nieuwe Moas \| Nôord \| Overysselse Vecht \| Pekel-Aa \| Reyn \| Rotte \| Scheur \| Schie \| Spaarne \| Utrechtse Vecht \| Westerschelde \| Yssel \| Zwart Woater
Kanoaln: Amsterdam-Reynkanoal \| Drentsche Hoofdvoart \| Eemskanoal \| Eindhovens Kanoal \| Kanoal deur Walchern \| Merwedekanoal \| Nôord-Willemskanoal \| Van Harinxmakanoal \| Winschoterdiep \| Zuud-Willemsvoart

[1] Geschiedenisse van de riviere 't Zwart Woater rijkswaterstaat.nl

[2] Historie Zwartsluus an 't Zwart Woater - zwartewaterkrant.nl

[1]

[2]