Zwentibold

Van Wikipedia
Zwentibold
870/871 – 900
Keunienk van Lotharingen
Periode895-900
VôorgangerArnulf van Karinthië
IpvolgerLodewyk et Kiend
VoaderArnulf van Karinthië
MoederWinburg

Zwentibold (870/871 – Sustern, 13 ogustus 900) was van 895 tout 900 keunienk van Lotharingen. Je was 'n ounwettige zeune van keizer Arnulf van Karinthië. Achter zyn dôod ist 'n hillig verkloard deur de katholieke kerke.

J'is genoemd achter zyn dooppeter Svatopluk I van Moravië. Zwentibold is de Frankische vorm van die noame.

In 895 hielpt ie mee in de stryd tusschn Odo van Parys en Karel de Simpeln vo de krône van West-Francië. Je trouwde in 897 met Oda van Saksn, zuster van Hendrik de Veugeloare.

Je krêeg serieuze probleemn achter dat 'n in 896 de groafschappn van Stephan van Bidgouwe en van de broers Matfried IV en Gerhard I van Gulikgouwe confisqueerde en in 898 zyn roadgever, de machtige groaf Reginar I van Henegouwn van 't Huus Reginar, an de kant zette.

Zyn voader Arnulf kost hem nog beschermn zo lange dat 'n leefde, moar achter zyn dôod in 899 kwamt den oadel van Lotharingen, mè Reginar I ip kop, in ipstand teegn hem. Ze wildn Arnulf zyn wettig zeuntje Lodewyk et Kiend van zeevn joar oud keunienk van Lotharingen moakn.

Den 13stn ogustus 900 sneuvelde Zwentibold in Sustern in e gevecht teegn de Matfriedn gebroers Matfried IV en Gerhard I.

Moravië van zyn dooppeter Svatopluk I