Alberto Contador
Uit Wikipedia
Dit blad es nog nie grêed vo Wikipedia
Dit artikel voldoe nog nie an 't gêne da je kut verwachtn van een artikel in nen encyclopedie en zoe nog vodder uutgewerkt moetn zyn. Daaroem es 't tydelik ip de verwyderlyste gezet. Achter 2 week'n wordt er beslist wa dat er mee moe gebeurn.
As't artikel zodanig vebeterd es dat et wel past, ku je da patrôon wegdoen. Gif dit an ip de verwyderlyste deur 't toevoegen van de reden.
|
|
|---|---|
| Persoonlikke informoatie | |
| Noame | Alberto Contador |
| Bynoame | The Accountant |
| Gebortedoatum | 6 december 1982 |
| Geborteplekke | Madrid, Spanje |
| Lengte | 175 cm |
| Gewicht | 61 kg |
| Specialisoatie | Grôte roundes |
| Ploegen | |
| Ploeg van nu | Astana |
| Ploegen van toun | |
| 2007 2004-2006 |
Discovery Channel Pro Cycling Team Liberty Seguros |
|
|
|
Alberto Contador Velasco (Madrid, 6 december 1982) is e Spoanschen coureur. Zyn grotste overwinnieng tot nu toe is de Rounde van Vrankryk in 2007.
Inoud |
[bewerkn] Zyn carrière
Contador werd professional in 2003 bij ONCE en viel in z'n debuutjoar sebiet op met tydritwinste in de Rounde van Pooln. 't Joar derachter veruusdet ie met zyn ploeg mee na de nieuwe spoenser: Liberty Seguros en lykt 'n te bevestigen, met onder meer ne vuufde plekke in de Cataloanse Weke. In de Rounde van Asturie vielt ie en ne kost lange nie mi me ze velo ryen.
In 2005 makteg ie dat goed, want ne won en etappe in de Tour Down Under, de Cataloanse Weke en ne won doar ook 't endklassement. Ne won ook nog Pro Tour etappes in de Rounde van 't Basknland en de Rounde van Romandië en ne werd doa 3e en 4e.
In 2006 begon 't seizoen vree moeilik, mo da sezoen moest de deurbroake wordn va Alberto Contador. Met etappe-overwinningn in de ProTour-wedstrydn Rounde van Romandië en Rounde van Zwitserland was 'n hêle gereed voe de Rounde van Frankryk. Mo deur de Operación Puerto mocht 'n nem e ze ploeg niet startn. E poar doagn loater meldde Fuentes zevve dat de coureurs Alberto Contador en Allen Davis nietnt met de zoake te moakn addn. Op 23 juli 2007 meldde de Süddeutsche Zeitung da Contador als kroongetuge by de zoake betrokkn wos en van de lyste is ofgepakt. Doavoorn moest 'n wel belastnde verkloariengn ofleggn. Alberto Contador ervatte ze sezoen in de Rounde van Burgos woar dat 'n schone ne vuufde plekke oalde in de 4e etappe. In 2006 kwamt ie nie mir in actie.
In 2007 gienkt 'n na Discovery en reed doa goed. Ne won de keunigingerit in de Rounde van Valencia op e schône maniere. Ook wont 'n in 't vôorjoar Paris-Nice me 2 etappes woarounder de latsn woadeure dat 'n nog de leidersboai ofpakte va Davide Rebellin. Da was ingentlik verdiend, want ne probeerde iedere bergetappe te demareern, dikkers me succes. In den tour wast 'n tope me Levi Leipheimer kopman. In d'Alpn reed 'n mei me de beste en kust 'n beter mei of Leipheimer. In de Pyreneeën op de 14e etappe wont 'n me ze sprint op Plateau de Beille en e was toune de twidn in 't klassement. E poar doagn loater wos Rasmussen (die de geivn boai droeg) beschuldigd van doping en moest 'n van ze ploeg Raboband weg uut 'n Tour. Doadeure kwam Contador leider. Op de voorlatste etappe (e tydrit) wos 't spannend in de stryd me Cadel Evans en Leipheimer, mo ne bleef voorn nunder.
[bewerkn] Belangrykste overwinniengn
2002
- 4e etappe deel A en deel B Bidasoa Itzulia
2003
- 8e etappe Rounde van Pooln
2005
- 5e etappe Tour Down Under
- 3e etappe en Eindklassement Cataloanse Weke
- 5e etappe deel B Rounde van 't Basknland
- 4e etappe Rounde van Romandië
2006
- 3e etappe Rounde van Romandië
- 8e etappe Rounde van Zwitserland
2007
- 4e etappe Rounde van Valencia
- 4e etappe, 7e etappe en Eindklassement Parys-Nice
- 4e etappe en Eindklassement Rounde van Castilië en León
- 14e etappe, Joungern- en Eindklassement Rounde van Vrankryk
- Amstel Curaçao Race
2008
- 1e etappe, 4e etappe en Eindklassement Rounde van Castilië en León
- 1e etappe, 6e etappe en Eindklassement Rounde van Baskenland
[bewerkn] Tourdêelnoames
- 2005: 31sn
- 2007: 1sn
