Rounde van Vrankryk

Van Wikipedia
Ga naar: Begunplekkn, zoeken
Den arrivee
De commentoators in under boxen
E masse volk ip de Charles van de Kerckhoveloan

De Rounde van Vrankryk of kortweg den Tour (van 't Frans: Tour de France) is e meerdoagse koers grôtendêels deur Vrankryk. De Tour is ountstoan in 1903, g'organiseerd deur Henri Desgrange.

De Tour deurt drie weekn mei olle doage een etappe, ofgewisseld mei e drietal rustdoagn. 't Is de belangrikste wielerkoers in 't joar mei 't mêeste prestige. Da komt omda je als coureur vanolles moe kunn: bergop ryen, lange vlakke rittn teegn 50 per eure, tydryen, tope werkn mei je ploegmoatn, inspanniengn kunn doseern, enzovoors.

De recordouder is Lance Armstrong die de Rounde 7 keirs gewounn et mo deen zen overwinniengn en ze were ofgepakt omdatn on de pikeurn a gezetn. Jacques Anquetil, Eddy Merckx, Bernard Hinault, Miguel Indurain en em vuuf kêers gewounn.

Belangrykste klassementn[bewerkn | brontekst bewerken]

  • In de Rounde droait 't voerol om den geeln boai. Dat is 't symbool van de eindoverwinnoare: de coureur die over ol de etappes 't minst tyd gedoan et.
  • Puntnklassement (groenn boai). In iedere etappe zyn der puntn te verdienn. Wie der 't mêest verzoamelt, wint 't puntnklassement. Oe zwoarder de rit oe minder puntn dat er kan verdient wêrdn en oe minder dan der puntn kriegn. Bie vlakke ritn kriegn bêvoorbeeld de êeste 25 renners puntn en bie ritn van hôage klasse mo 15e.
  • Bergklassement (de bolletjestrui). Op iedern klim (4de, 3de, 2de, 1ste en buutn categorie) ku je puntn verdienn.
  • Joungernklassement (wittn boai). 't Zelfste principe lik de geeln boai, moa toun voe coureurs jounger da 26.

Recente winnoars[bewerkn | brontekst bewerken]

Externe koppelienge[bewerkn | brontekst bewerken]

Wikimedia Commons Mêer ofbeeldiengn die ier by passn ku je vien ip Tour de France ip Wikimedia Commons.