Woaregem

Dit artikel zou beter herschreevn zyn in 't Woaregems.

---

Stad Woaregem
Waregem
Liggienge binn het arroundissement Kortryk in de provinsie West-Vloandern
Woapen	Vlagge
Geografie
Gewest	Vloandern
Provincie	West-Vloandern
Arroundissement	Kortryk
Liggienge	50°53' NB 03°26' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	44,34 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	35.852 (01/01/2006) 49,33% 50,67% 809 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 21,07% 62,66% 16,27%
Buutnlanders	1,62% (01/07/2005)
Weirklôoseidsgroad	5,97% (01/01/2006)
Polletiek
Burgemêester	Kurt Vanryckeghem
Coaliesje	CD&V
Zetels CD&V Open VLD-Plus sp.a onafankelikke Groen! N-VA Spirit Vlaams Belang	33 18 7 2 2 1 1 1 1
Dêelgemêentn me postcode
Postcode	Dêelgemêente
8790 8791 8792 8793	Waregem Beevern-Leie Desselgem Sint-Eloois-Vaaive
And're info
Zonenummer	056
Poliesjezone	{{{polz}}}
Webadres	www.waregem.be

De stad Woaregem (officieel Nederlands: Waregem) ès 'n stad in 't zoidôostn van West-Vloandern. 't Ès de vaifde grôotste van de provinsie en è 'n twa van 36.000 ènwoners. De dêelgemêentn zyn sedert 1977 Bevern-Leie, Desselgem en Sint-Eloois-Vaaive.

De burgemêestr ès Kurt Vanryckeghem van de CD&V. Woaregem es economisch ne groeinde regio, me 'n grôot wienkelcentrum: 't Pand.

Geschiedenisse

Tot vôorn 1977 was Woaregem allene wuk da nu de ôofdgemêente i; d'andre kernen, Bevern-Leie, Desselgem en Sint-Eloois-Vijve, woaren aparte gemêenten. Den 1sten januari 1977, by de gemêentelikke erindêlienge, zyn de gemêenten gefusioneerd tot by de nieuwe grôte gemêente Woaregem. Der werd e nieuw woapenschild angenoomn. De 23sten juni 1999 is in 't Belgische federoale parlement de wet voe de toekennienge van de stadstitel an de gemêente Woaregem goegekeurd. Doadeure mag Woaregem vanaf den êestn januari 2000 officieel stad genoemd wordn.

Kernn

Luchtfoto van Woaregem vanuut ne vlieger

De grôotste kern in Woaregem is d'ôofdgemêente Woaregem zelve, met meer dan 20.000 inweuners. Ten noordwesten van diene stadskern liggn de deelgemêentn Bevern-Leie, Desselgem (alletwêe mêer dan 5000 inweuners) en Sint-Eloois-Vijve (bykan 4000 inweuners) langstn de Leie. De grenzn van de gemêente bestoan doa nog uut 't ouwe kroenkelende traject van de Leie, van voor dat 't was rechte getrokkn. De bebouwienge van Woaregem en Sint-Eloois-Vijve is zo goed of êen gehêel gewirdn deur nieuwe weunwykn en industrieterrings, en ook de kernen van Desselgem en Bevern-Leie zyn noa mekoar gegroeid. Ip 't groundgebied van Woaregem, langst de boane noa Deirlik ligt er e redelik grôot gehucht, Nieuwenhove. Nieuwenhove vormt nog een aparte kern, ol is 't deur de lintbebouwienge verboundn me 't gehucht Molenhoek in Deirlyk.

Sint-Eloois-Vijve en Desselgem zyn olletwie gegroeid ip e plekke woa dat de Leie kost overgestookn wordn. Der is doaby e typisch patrôon van twêeliengsdorpn langstn de Leie ountstoan: Desselgem ligt gepoard met Ôoigem en Sint-Eloois-Vyve met Sint-Boafs-Vyve.

Den ôofdkern Woaregem et verder nog verschillende wykn. De wykn Gaverke en Biest èn under eigen afzounderlikke parochie. De parochie Heilige Familie in Gaverke is ipgericht in 1941, de parochie Sint-Jozef in Biest in 1966. D'oude parochie van 't stadscentrum is noa Sint-Amadeus genoemd. Ol de kernn in de gemêente zyn styf verstedelikt. Der is nog open ruumte vlakby de valleie van de Leie, in 't uuterste noordn, en in 't gebied round Nieuwenhove.

Verkêer

Woaregem ligt ip een asse van Kortryk noa Gent. Die asse wier getypeerd deur de riviere de Leie, de spoorweg Gent-Kortryk (statie van Woaregem), d'autostrade A14/E17 en d'oudere stêenweg N43 tusschn die twee steedn, die Woaregem in oost-west richtienge deursnien.

Sport

• Voetbolclub RC Woaregem (de Rassink)
• Voetbolclub SV Zulte Waregem (den Essevee)

Attraksies

Postkarte oit 1920 van de groôt'n stiepel, 2den spronk over de revier

't Bekenste wa' dat er in Woaregem gebeurt, ès de joarlaikse Koerse; da zyn peirdekoersen in de latste weke van ogustus, eigenlik den êesten disndag achter de latste zundag van ogustus. Woaregem es ôok de gaststad van Twis deur Vloandern, een West-Vlamse wielerkoerse in het vôorjoar.

Toale

In Woaregem klappn ze 'n dialect da sterk noa 't Ôost-Vloams trekt. De diftongn ij en ui klienkn der as ai en oi, lik in 't Broabants, en nie as è en ö lik in de mêeste andere Ôost-Vloamse dialecten. Broek en doek klienkn doa lyk en lange brouwk en douwk.

Mêer ofbeeldiengn die ier by passn ku je vien ip Category:Waregem ip Wikimedia Commons.