Ferdinand II (Graz, 9 juli 1578 - Weenn, 15 februoari 1637), van ‘t Huus Habsburg, was keizer van ‘t Hillig Rooms Ryk van 1619 tout 1637.
Je volgde z’n kozyn Matthias ip, die gin jounges haad. Je was e zeune van Karel II van Oostnryk en Maria Anna van Beiern. Z’n voader was de joungste zeune van keizer Ferdinand I en Anna van Boheemn.
Z’n benoemienge tout keunienk van Boheemn in 1618 was êen van de reedns van ’t begun van de Dertigjoarign Oorloge in Praag.
De protestantsche Boheemn kwoamn in ipstand teegn Ferdinand, die vo de contrareformoasje was. De Boheemschn oadel wilde Frederik V van de Pfaltz van ‘t Huus Wittelsbach ip de trône, die de wienterkeunienk genoemd wordt omdat ‘n mor e wienter keunienk was.
Keizer Ferdinand II kost z’n gezag were herstelln achter dat ’t Boheems leger versleegn wierd binst de Slag ip de Wittn Berg (8-11-1620).
.svg){kind=small}
