Lodewyk II van Italië

Lodewyk II (825 – 12 ogustus 875) was Rôomse keizer en keunienk van Nôord-Italië.

Je was den oudste zeune van keizer Lotharius I en Ermengarde van Tours.

Je wierd ol in 839 angeduud vo keunienk van Italië te wordn. De 15e juni 844 wierd ’n in Rome tout keunienk gekrôond deur paus Sergius II en in 850 tout co-keizer deur paus Leo IV, ook in Rome.

In 851 ist ’n getrouwd met Engelberga.

Verdrag van Prüm

Zyn voader verdêelde zyn Middnryk in 855, nie lange vo z'n dôod, by 't Verdrag van Prüm:

• Lodewyk krêeg Nôord-Italië met de keizerskrône
• Lotharius II krêeg et nôordelik stik van ’t middnryk: Lotharingn.
• Karel krêeg Provence.

Karel van Provence stierf in 863. J’ha gin zeune vor hem ip te volgn en zyn bezittiengn wierdn verdêeld ounder zyn twi broers:

• Lodewyk krêeg Arles, Aix en Embrun en kwam azo ook keunienk van Provence.
• Lotharius II krêeg ‘t bisdom van Lyon, Vienne en Grenoble by zyn Lotharingen.

Zyn jounges

• Gisela
• Ermengarde, getrouwd met Boso van Provence.

Lodewyk ha gin zeuns en doadeure wierd ’n ipgevolgd deur zyn nounkel Karel de Kletsn.

't Middnryk van zyn voader Lotharius I

't Verdrag van Prüm (855)

De verdêlienge van Provence (863)

Ofbeeldiengn die ier by passn ku je vien in de categorie Keizer Lodewyk II van Wikimedia Commons.