Lodewyk II van et Hillig Rôoms Ryk

Lodewyk II (825 – 12 ogustus 875) was keizer van et Hillig Rôoms Ryk en keunink van Nôord-Italië.

Je was den oudstn zeune van keizer Lotharius I en Ermengarde van Tours.

Je wierd ol in 839 angeduud vo keunink van Italië te wordn. Den 15stn juni 844 wierd ’n in Rome tout keunink gekrôond deur paus Sergius II en in 850 tout co-keizer deur paus Leo IV, ook in Rome.

In 851 ist ’n getrouwd met Engelberga.

Verdrag van Prüm

Zyn voader verdêelde zyn Middnryk in 855, nie lange vo z'n dôod, by 't Verdrag van Prüm:

• Lodewyk krêeg Nôord-Italië met de keizerskrône
• Lotharius II krêeg et nôordelik dêel van ’t middnstik: Lotharingn.
• Karel krêeg et zudelik dêel van 't middnstik: Provence.

Karel van Provence stierf in 863. J’ha gin zeune vor hem ip te volgn en zyn bezittiengn wierdn verdêeld ounder zyn twi broers:

• Lodewyk krêeg Arles, Aix en Embrun en wierd azo ook keunink van Provence.
• Lotharius II krêeg ‘t bisdom van Lyon, Vienne en Grenoble by zyn Lotharingn.

Zyn jounges

• Gisela
• Ermengarde, getrouwd met Boso van Provence.

Lodewyk ha gin zeuns en doadeure wierd ’n ipgevolgd deur zyn nounkel Karel den Kletsn.

Mêer ofbeeldiengn die ier by passn ku je vien in de categorie Keizer Lodewyk II van Wikimedia Commons.