Maria van Hongareye (1505-1558)

Van Wikipedia
Maria van Hongareye
15051558
Keuniginne van Hongareye en Boheemn
Periode1522-1526
VôorgangerAnna van Foix
IpvolgerAnna van Boheemn
Landvoogdesse van de Nederlandn
Periode15301555
VôorgangerMargaretha v. Oostnryk
IpvolgerEmanuel Filibert van Savoye
VoaderFilips de Schôonn
MoederJohanna van Kastilië

Maria van Hongareye (Brussel, 18 september 1505 – Cigalos, 18 oktober 1558) was ‘n dochter van Filips de Schôonn en Johanna van Kastilië. Heur grôotouders langs moeders kant woarn Isabella I van Kastilië en Ferdinand II van Aragon. Heur grôotouders langs voaders kant Maria van Bourgondië en Maximiliaan I.

Heur jounk leevn[bewerkn | brontekst bewerken]

Houtsnede deur Albrecht Dürer van de Wiener Doppelhochzeit.
Van lienks: Maximiliaan I; Maria met heur vint Lodewyk II; Vladislav II mè zyn dochter Anna en zyn broere Sigismund I.
Heur vint Lodewyk II van Hongareye

Maria is geboorn in Brussel. Tegoare met heur broere, Keizer Karel V, en heur zusters Eleonora en Isabella, is z’ipgebrocht in Mecheln deur heur tante Margaretha van Oostnryk, landvoogdesse van de Nederlandn.

Nog vor heur êeste verjoardag beloofdeg heur grotvoader Maximiliaan I heur an Wladislaus II, de keunienk van Hongareye en Boheemn, vo zyn zeune die ton nog nie geboorn was. D’n eestn juli 1506 is heur toekomstige vint, de loatere keunienk Lodewyk II van Hongareye geboorn.

D’n tweeëntwintigstn juli 1515 wast er 'n dubbele trouwfêeste in de Stephansdom in Weenn, de Wiener Doppelhochzeit genoemd, te zien ip ’n houtsnede deur Albrecht Dürer. Maximiliaan was platsvervanger vo zyn klêenzeune Ferdinand, die zelve nie anwezig was.

Maria trouwde mè Lodewyk II. Heur broere Ferdinand I, aartshertog van Ôostnryk, die ton regeerde in noame van zyn broere Keizer Karel V en loater ook keizer kwam, trouwde mè Lodewyk zyn zuster Anna van Boheemn. ’t Dubbel huwelik zorgde der vôorn dat Hongareye en Boheemn elf joar loater ook by ’t huus Habsburg kwoamn.

Maria wierd van tonne in Innsbruck voorbereid ip heur rolle ols keuniginne van Hongareye. In ‘t vôorjaar van 1521 voarde ze mè d‘n boot van Linz no Weenn en van doa no Buda. Lodewyk was doa vo de dreigienge van de Turkn van ‘t Ottomoans Ryk.

In 1522 was under officieeln trouw. Vier joar loater sneuvelde Lodewyk an z’n twientig joar binst de gevechtn teegn Süleyman I in de Slag by Mohács, (29 ogustus 1526). Maria kwam ton regente in Hongareye tout an de krônienge van de nieuwe keunienk, heur broere Ferdinand.

Z’is loater nie mèr hertrouwd.

Landvoogdesse van de Nederlandn[bewerkn | brontekst bewerken]

Landvoogdesse Maria van Hongareye met heur weeuwekappe
Schilderye van Titiaan, deur heur besteld vor heur kastêel in Binche

Achter d’n dood van heur tante Margaretha van Oostnryk in 1530, wierd Maria deur heur broere Karel V angesteld ols landvoogdesse van de Nederlandn.

In 1542 liet ze in ‘t zuudn van de provincie Naamn, ‘n versterkte stad anleggn die noar heur vernoemd is: Mariembourg. En in de Henegouwse stad Binche liet ze ’n paleis bouwn woa da ze vele verblêef.

De vuufentwientigstn oktober 1555 gaf z’heur besteursfunctie over de Nederlandn ip, tegoare mè ’t oftreedn van heur broere Karel V. Mo z’hielp nog e joar mee mè Filips II van Spanje die van 1555 Here van de Nederlandn was en met Emanuel Filibert van Savoye, heur ipvolger ols landvoogd van de Nederlandn.

Spanje[bewerkn | brontekst bewerken]

De viftienstn september 1556 vertrok ze tegoare met heur broere Karel en heur zuster Eleonora no Spanje. Achter d’n dôod van Eleonora in februari 1558 en loater ’t zelfste joar d’n êenentwientigstn september van Karel, is Maria styf ziek gekommn en d’n achttienstn oktober is ze gestorvn in Cigalos.

Wikimedia Commons Mêer ofbeeldiengn die ier by passn ku je vien ip Mary of Habsburg ip Wikimedia Commons.