Rogier van der Weyden
Uit Wikipedia
Rogier van der Weyden (Doornik, ca. 1399 - Brussel, 18 juni 1464) was e kunstschilder van ’t begun van de 15e eeuwe. Je was êen van de groundleggers van de Vlamsche Primitievn en de rechtstreeksn voortzetter van de styl van de Meester van Flémalle (Robert Campin).
Inoud |
[bewerkn] Zyn leevn
Rogier van der Weyden is round 1399 in Doornik geboorn ols Roger de la Pasture en je werkte van 1427 tout 1432 in ’t atelier van Robert Campin.
Round 1435 weundeg't ie in Brussel woa dat 'n angesteld was ols officieel stadsschilder. Je vervlamste doa z’n noame tout Rogier van der Weyden. Je kreeg ook ipdrachtn van burgerlikke en kerkelikke instellingn en van ’t Bourgondisch hof. J’is in 1464 gestorvn in Brussel.
[bewerkn] Zyn werk
Olgauwe liet 'n em beïnvloedn deur Jan van Eyck. Dat is te zien in 't vroeg werk: Den illign Lukas tekent Onze-Lieve-Vrouwe, woavan dat er e perfecte kopie van ’t ende van de 15e eeuwe te zien is in ‘t Groeningemuseum van Brugge. Van der Weyden liet em vo ’t landschap en ’t interieur inspireern deur de Madonna met Kind en kanselier Rolin van van Eyck, uut dezelfste periode. Mo de personages illustreern z’n persoonlikkn expressievn styl.
Jan van Eyck aad de materiële weireld en de nateure ountdekt, mo z’n personages zien d’r innerlik ounbewoogn uut. Van der Weyden pakte dien andacht vo de ruumtelikke omgevinge over, mo d’emotionele uutstroalinge van de menselikke figeurn woarn by em belangryker. Z’n personages zyn expressief en moakn soepele geboarn.
Rogier van der Weyden is beroemd vo z'n altoarstikkn die ip e dramoatische maniere ’t ofzien van Christus weregeevn en je beïnvloedde me zyn styl de kunst van de Lêge Landn en ook d'r buutn.
Êen van z'n belangryke leerlingn was Hans Memling.
[bewerkn] Zyn werk
 Anton van Bourgondië, bastoardzeune van Filips den Goein |
 |
Mêer ofbeeldiengn die ier by passn ku je vien in de categorie Rogier van der Weyden van Wikimedia Commons. |
