Aagje Deken

Agatha (Aagje) Deken (Nieuwer-Amstel, nu Amstelveen, gedopt 10 december 1741 – Den Haag, 14 november 1804) was en Hollansche schryfster.

In 1745 stiervn heur oeders en kwam ze terèchte in e weeshuus, woar da ze bleif toet in 1767.

An heur 29 joar kwam ze ziek'nverzorgster by heur vriendinne Maria Bosch, die stierf in 1773. In 1775 kwam de bundel Stichtelijke gedichten uut, dan ze tegoare geschreevn hèn.

In 1776 begost de briefwisselynge tusschn Aagje Deken èn Betje Wolff. Achter da dominee Wolff, de vent van Betje, stierf in 1777, gyngn ze t'hopeweunn èn ze begost'n tegoare te publiceern. Ze schreivn Historie van mejuffrouw Sara Burgerhart, dat e growt succès kwam, èn de Historie van den heer Willem Leevend.

Vanwege hunder patriottische sympathieën verhuusd'n z' in 1788 noa Trévoux in 't departement Ain (regio Auvergne-Rhône-Alpes). Deur financiële probleemn most'n z' in 1797 werekeirn noar Holland èn ze weund'n ton in Den Haag. Aagje Deken stierf doar in 1804, neegn doagn loater of Betje Wolff.

Werk

1775 - Stichtelijke gedichten (t'hope mè Maria Bosch)
1781 - Economische gedichten (mè Betje Wolff)
1782 - De Historie van mejuffrouw Sara Burgerhart (mè Betje Wolff) (twèe deiln)
1783 - Voorrede voor den tweeden druk (mè Betje Wolff)
1784-1785 - Historie van den heer Willem Leevend (mè Betje Wolff) (acht deiln)
1793-1796 - Historie van mejuffrouw Cornelia Wildschut (mè Betje Wolff) (zes deiln)
1799 - Mijn offerande aan het vaderland
1804 - Liederen voor den boerenstand
1804 - Liederen voor ouders en kinderen