Absis

Van Wikipedia
Absis in den Sint-Patrokli dom van Soest, Duutsland

Nen absis (mv. absiden) of apsis es nen holfroundn of veelhoekigen uutbouw van 't koor, de middnbeuke of de zybeukn van kerkgebouwn.

Den absis komt nog van de Romeinse basilica. Da wos de plekke woa dat de zetel van de rechter stound.

Den Romeinsn keizer Constantyn den Grootn, den eestn christelikkn keizer, liet in de vierde eeuwe d'eeste kerkgebouwn zettn mèi nen absis. By die christelikke basilica, en loater ook by romoansche en gotische kerkgebouwn, kwom da toun de plekke woa da de zetel van 'n bisschop en 't outoar stound.

Oorsprounkelik han romoansche gebouwn 't zelste groundplan lik basilica. Dat es veranderd deurda kloosterliengn, die dichte by 't outoar wildn ziengn, meer plekke nodig han. Z'hèin plekke bygemakt deur 'n absis na 't oosten te verplekkn. De plekke die zo vry kwom, het koor, wos bedoeld vo de monikkn en pasters hunder liturgie.

't Word absis es surtout gebruukt by romoansche gebouwn. In de gotiek, woar da round de absis ne koorommegank bykwom, noemn ze datte de koorsluutienge.

Uutbouw van den absis van de 13e eeuwsche Sint-Bonifatiuskerke van Treffurt, Duutsland
Wikimedia Commons
 
Ounderdeeln van kerkarchitectuur

Ounderdeeln van kruuskerkn:  Absis · Koorommegank · Luchtbeuke · Middnbeuke · Priesterkoor · Stroalkapelle · Transept · Vierienge · Westbouw · Zybeuke

Bouwkundige ounderdeeln:  Arcade · Boge · Boovnlucht · Fronton · Kapitêel · Luchtboge · Roundboge · Scheeboge · Spitsboge · Steunbeir · Tribune · Triforium

Decoratieve ounderdeeln:  Archivolt · Dwerggalery · Lisene · Lombardischn band · Pilaster · Pinoakel · Voluut · Woaterspuger

Gewelftypes:  Kruusgewelf · Tungewelf