Aisne (departement)

Van Wikipedia
Naar navigatie springen Naar zoeken springen
Vrankryk Aisne (02)
Drapeau fr département Aisne.svg Blason département fr Aisne.svg
Aisne-Position.svg
Liggienge binn'n Vrankryk
Regio Hauts-de-France
Hoofdstad
(Préfecture)
Laon
Sous-préfectures Château-Thierry
Vervins
Saint-Quentin
Soissons
Ippervlak 7361,68 km²
Inweuners

Bevolkiengsdichtheid

536.136 (2016)
73 inw./km²
Arrondissementn 5
Kantongs 21
Gemêentes 800
{{{foto}}}
{{{byschrift}}}

Aisne (02) es e departement in de regio Hauts-de-France in't nôord'n van Vrankryk. De noame komt van de riviere Aisne die deur 't gebied strôomt. Inweuners van de Aisne word'n Axonais genoemd, wa komt van Axona, d'oude keltische noame van de riviere.

Geschiedenisse[bewerkn | brontekst bewerken]

't Departement Aisne es één van de 83 departementn die gecreëerd zyn binst de Fransche Revoluusje, de vierde moarte 1790. 't Wierd gemakt deur't tôopesmyttn van gebied'n die vôorn 1790 eig'ndoum woarn van de Fransche krôone en die by Île-de-France ôordigd'n (Laonnois, Soissonnais, Noyonnais en Valois), gebied'n die in't Ancien Regime by de provinsje Picardië ôordigd'n (Graafschap Vermandois en Thiérache) en stikk'n van de provinsje Champagne (Brie en Omois).

Den êestn januoari 2016 es de vroegere regio Picardië, woar da 't departement dêel van uutmakte, gefuuzioneerd mè de regio Nord-Pas-de-Calais en kwam by de nieve administratieve regio Hauts-de-France.

Koarte van't departement Aisne

Geografie[bewerkn | brontekst bewerken]

Aisne grenst an't Nôorderdepartement in't nôord'n, an de departementn Ardenn'n en Marne in't ôostn, Seine-et-Marne in't zuudwestn en an Oise en Somme in't westn. Ôok grenst et vor e klêen stikske an de Woalsche provinsje Enegouwn.

't Departement Aisne bestoat uut vuuf arroundissementn (Laon, Château-Thierry, Vervins, Saint-Quentin en Soissons) en et 21 kantongs en 800 gemêentn. De grotste gemêent'n noar inweunertal zyn Saint-Quentin, Soissons, Laon, Château-Thierry en Tergnier.

Deur't departement lôopn teffrente gekende rivier'n; De riviere Aisne es 'n zy-riviere van de Oise en lôopt van't ôostn van't departement deur 't stee Soissons noa 't westn woa ze in't departement Oise uutmoundt by Compiègne. Ôok de Oise zelve strôomt deur 't departement van't nôordwestn by Hirson in de Thiérache noar't westn noa't departement Oise. De riviere de Somme eit oar bronne in't departement by de gemêente Fonsomme en strôomt ezo vodder deur 't stee Saint-Quentin noa 't zuudwestn richtienge 't departement Somme. In't zuud'n strôomt ôok nog de Marne deur de stad Château-Thierry. And're riviern in't departement zyn de Ourcq, de Vesle en de Serre.

Externe koppelienge[bewerkn | brontekst bewerken]

Wikimedia Commons