Andy Schleck

Van Wikipedia
Andy Schleck
Schleck in 2007
Persoonlikke informoatie
Noame Andy Schleck
Gebortedoatum 10 juni 1985
Geborteplekke Luxemburg-Stad, Luxemburg
Lengte186 cm
Gewichte68 kg
SpecialisoatieGrôte roundn
Klemklassiekers
Ploegen
Ploeg van nuTeam Saxo Bank
Portoal Sport

Andy Schleck (10 juni 1985, Luxemburg) is e Luxemburgschn coureur. Zyn grôotn specialiteit is klemmn, juuste lik zyn broere Fränk Schleck, woamei dat 'n tope byn Team Saxo rydt.

Persôonlik leevn[bewerkn | brontekst bewerken]

Schleck is ebôorn in Luxemburg-Stad en is 'n joungsn van 3 broers: Fränk is oek profcoureur en Steve, 'n oudstn, is polletieker. Zyn voader Johny wos in tyde oek profcoureur en het mêerder kêern meiedoan an 'n Tour en 'n Vuelta, woarin dat 'n e rit wonne.

Carrière[bewerkn | brontekst bewerken]

Andy Schleck up kop up de Mont Ventoux, vôorn Contador en Armstrong in 'n Tour van 2009.

Andy Schleck is prof ekommn in 2005, nog vôorn at 'n 20 wos, e rêde zyn êeste Protourkoers in 't begun van da joar (de Rounde van Catalonië). Zyn êestn koers met de profs had 'n joar dervôorn ol ewonn, in de Flèche du Sud won 'n at 'n nog mor 18 wos. 't Wos ezo dat 'n bekend rochte byn de managers van grôte ploegn, 't wos uutendelik Bjarne Riis die nem binnhoalde, oundermêer omdat Schleck zyn broer Fränk ol byn dienn ploeg zat.

Zyn êestn profkoers won 'n nog in da joar, in juni kwam 'n Luxemburgs kampioen tydryen, zyn êestn koers up de weug wos de keunienginnerit in de Rounde van Saksn. Zyn deurbroake in e grôte rounde kwam 't er in 2007, e wos toune 'n twiddn in 'n Giro, achter Danilo Di Luca en da zeste joar hoalde 'n de vierde plekke in de Rounde van Lombardeye. In 'n Tour van 2008 wos 'n verre overol mei met de beste, mo deur e slichtn dag viel 'n were no de twoofste plekke, woadeure dat 'n wel 't joungernklassement wonne vôorn Roman Kreuziger. E kuste wel zyn ploegmoat Carlos Sastre nog helpn voun dienn Tour te winn. Da joar wos 'n oek nog 'n vierdn in Luuk-Bastenoakn-Luuk en 'n vuufdn up d'Olympische Speeln van Peking.

2009 wos toet nu toe zyn beste joar, e wos 'n twiddn in de Woalschn Pyl en e won zyn êestn klassieker met Luuk-Bastenoakn-Luuk, achter e langn solo woarin dat 'n oundermêer Philippe Gilbert remonteerde. In 'n Tour wos achter Alberto Contador 'n bestn man in koers, e won were 't joungernklassement en ne wos 'n twiddn in Parys. E wos da joar oek nog Luxemburgs kampioen.

In 2010 wos zyn vôorjoar e bitje miender of 't joar dervôorn, 't deurde toet in 'n Tour vôordat 'n top wos. E won de rit no Morzine-Avoriaz in e sprintje me Samuel Sanchez en ne mucht 'n gilvn boai 6 rittn anhoudn, toet at 'n nem verlôor deurdat zyn keetn ofviel in 'n klem van Port de Balès.

Belangrykste uutsloagn[bewerkn | brontekst bewerken]

  • Tour de France
  • 2008: joungernklassement, 12e plekke
  • 2009: joungernklassement, 2e plekke
  • 2010: joungernklassement, 1e plekke, 2 rittn
  • 2008: joungernklassement, 2e plekke
  • Luuk-Bastenoakn-Luuk
  • 2008: 4e
  • 2009: 1e
  • 2010: 6e
  • Woalschn Pyl
  • 2009: 2e
  • 2010: 9e
  • Olympische Speeln
  • 2008: 4e

Ploegn[bewerkn | brontekst bewerken]

  • 2005- : CSC, CSC-Saxo Bank, Saxo Bank

Externe koppelienge[bewerkn | brontekst bewerken]