Naar inhoud springen

Philippe Gilbert

Van Wikipedia
Gilbert in Luuk-Bastenoakn-Luuk 2009

Philippe Gilbert (Verviers, 5 juli 1982) is e Belgischn coureur die voun 't moment êen van de beste van de weireld is in zyn specialiteit: klassiekers (kossitstêenn, middengebergte). En is ouk stief zêre up 't ende van lastige koersn en ouk in massasprintn kut 'n nem froai goed platsn.

En is surtout populair omdat 'n verre nôois profiteert en at 'n nem goed voelt, ossan goat demarreern. Oltemets komt 'n doadeure wel eki zyn eign teegn (lik in Luuk-Bastenoakn-Luuk 2009, woa dat 'n inhoald is deur Andy Schleck achter dat 'n ollêne wegesproungn wos), mor ezo et 'n ouk ol vele koers ewonn, lik 'n Omloop 't Volk van 2008, of twi keirs de Rounde van Lombardeye.

Jeugd

[bewerkn | brontekst bewerken]

Nieuweliengn

[bewerkn | brontekst bewerken]

Byn de nieuweliengn wos Gilbert ol êen van de beste van zyn oude: in zyn êeste joar wont 'n 7 keirs, in zyn twidde joar 23 keirs.

Juniors

[bewerkn | brontekst bewerken]

Oek byn de juniors wont 'n in zyn êeste joar 12 keirs en in zyn twidde joar 19 keirs, woavan koersn in Holland, Itoalië en Spanje. E muchte da joar oek mei no 't weireldkampioenschap in Plouay. 'n Nieuw-Zêelander Yates won toune.

Beloftn

[bewerkn | brontekst bewerken]

Gilbert is mo 2 joar belofte ewist en in die joarn kust 'n 6 keirs winn in 2001 en 12 keirs in 2002. Doarachter is 'n prof ekommn byn La Française des Jeux.

Profcarrière

[bewerkn | brontekst bewerken]
Gilbert in 'n boai van La Française des Jeux, in de Rounde van Vloandern van 2008

De mêeste kenners peizdn dat Gilbert te vroeg prof gienk kommn, mor uuteindelik wont 'n in 2003 zyn êestn koers, e rit in de Rounde van de Toekomst. En et da joar oek nog e cyclocross ewonn. De noaste 2 joarn wont 'n ieder kêe e bitje mêer koersn, mo winn in grôte koersn lukte nog nie.

In 2006 wont 'n zyn êeste semi-klassiekers: Omloop 't Volk en de GP Fourmies.

In 2007 had 'n e moeilik joar deurdat 'n moest opereerd zyn voun kanker up zyn bêen. E won mor 1 koers, 'n êestn rit van de Tour du Limousin.

In 2008 had 'n e goed joar, deur nog eki 'n Omloop 't Volk te winn en up 't ende van 't joar zyn êestn echtn klassieker: Parys-Tours, woarin dat 'n sprint won vôorn Kuyckx, Turgot en Vogondy, zyn ploegmoat Delage at 'n sprint anetrokkn en wos oundertusschn ol inhoald deur 't peletong, woavan dat Farrar 'n sprint won up 4 secondn van Gilbert.

In 2009 gienk 'n van La Française des Jeux no Silence-Lotto, mo 't begun van zyn joar wos moeilik en ne wos mo juuste up tyd grêed voun de vôorjoarsklassiekers. E wos oundermêer 'n twiddn in 't Belgisch Kampioenschap (achter Tom Boonen) 'n derdn in de Rounde van Vloandern en 'n vierdn in 'n Amstel Gold Race en Luuk-Bastenoakn-Luuk. E won nog e rit in 'n Giro, de Coppa Sabbatini (1.1) en Parys-Tours, woa dat 'n in e sprint me 3 won van de betere sprinters Boonen en Bozic. En voral wont 'n ôok de Rounde van Lombardeye.

Gilbert met de bolletjes in 'n Tour van 2011

In 2010 toondege dat 'n één van de beste coureurs van de weireld an 't kommn is. Ne wont de Amstel Gold Race en haalt 'n vele ereplekkn in topklassiekers. En up 't ende van 't joar wont ie ook nog een andere topklasseieker, noamelik de Rounde van Lombardeye voun twidde ki i ze leevn.

In 2011 beguste Gilbert goed deur êentige koersn in Italië te winn en ouk de derde plekke in Miloan-San Remo, achter Goss en Cancellara. In 'n twiddn topkoers van 't joar, de Rounde van Vloandern, brocht 'n d'achtervolgers were byn Cancellara en Chavanel en gounk 'n nog weg up de Bosberg, mo ze paktn nem were, woadeure dat 'n de neegnste plekke hoalde. Zyn beste periode beguste me de Brabantschn Pyl, woa dat 'n Björn Leukemans klopte, 'n Amstel Gold Race, woa dat 'n d'achtervolgers werebrochte byn Andy Schleck en Joaquim Rodriguez klopte up de Cauberg en in de Woalschn Pyl, e koers dat 'n eigentlik nie geirn e rydt omdat 'n Meur van Hoei te styf klemt. E wonn doar egliek deur were Rodriguez te kloppn. E poar doagn drachter won 'tn ouk nog Luuk-Bastoaken-Luuk, de koers van zyn droomn. E blêef ezo vorsdoen, want ne won nog de Rounde van België, de Ster ZLM Toer, 't Belgisch Kampioenschap in Hooglee (achter e demarrage up 'n Gitsberg) en 'n êestn rit in 'n Tour.

Overwinniengn & belangrykste uutsloagn

[bewerkn | brontekst bewerken]

2003

  • Rounde van de Toekomst: rit 9

2004

  • Tour Down Under: rit 3
  • Parys-Corrèze: klassement
  • Parys-Brussel: 2de plekke

2005

  • Rounde van de Middellandsche Zêe: rit 2
  • Tour du Haut Var
  • Klemmerstrofee
  • Vierdoagsche van Duunkerke: rit 2
  • Polynormande
  • Coupe de France: klassement

2006

  • Omloop 't Volk
  • Criterium Aix
  • Dauphiné Libéré: rit 2
  • Rounde van de Benelux: rit 7
  • Dernykoers Wettern
  • GP Fourmies
  • GP van Wallonië
  • GP Marseillaise: 2de plekke
  • Kampioenschap van België: 2de plekke
  • GP Isbergues: 2de plekke

2007

  • Tour du Limousin: rit 1
  • Kampioenschap van België Tydryen: 2de plekke
  • Kampioenschap van België: 3de plekke

2008

2009

2010

2011

  • Rounde van de Algarve, etappe 1
  • Monte Paschi Eroica
  • Tirreno-Adriatico, etappe 5
  • Milaan - San Remo: 3de plekke
  • Rounde van Vloandern: 9stn
  • Brabantse Pyle
  • Amstel Gold Race
  • Woalse Pyle
  • Luuk-Bastenoakn-Luuk
  • Rounde van België (rit en klassement)
  • Ster ZLM Toer (rit en klassement)
  • Gullegem Koerse
  • Belgisch Kampioen in Hooglee
  • Tour de France (rit 1)

2012

2013

  • Rounde van Spanje, etappe 12

2014

Wikimedia Commons
Overgenomen van "https://vls.wikipedia.org/w/index.php?title=Philippe_Gilbert&oldid=308259"