Ennelin

Ennelin Annœullin
Ennelin in 't arroundissement Rysel
Geografie
Regio	Hauts-de-France
Departement	Noorderdepartement
Arroundissement	Rysel
Kanton	Ennelin
Coördinoatn	50°31′NB 2°56′OL
Ippervlak	9,01 km²
Inweuners
Inweuners Bevolkiengsdichtheid	10.490 (2016) 1164 inw./km²
Andere
Burgemêester	Philippe Parsy
Postcode	59112
Webadres	Site van Ennelin

Ennelin (Frans: Annœullin) es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. Ennelin ligt teegn de schreve me 't departement Nauw van Kales, wa in tydde 't schee'n wos tusschn Romoans-Vloandern en Artesië. 't Grenst an de gemêentn Doenk, Allennes-les-Marais, Carnin, Carvin, Provin, Bauvin en Sengin. In tydde ôordigde Doenk by de gemêente Ennelin, totda 't in 1948 dervan wierd geschee'n en e zelfstandige gemêente wierd.

O de nôordôostkantn van Ennelin lôopt de gekanaliseerde Deule. Deur de gemêente lôopt ôok d'yzerboane tusschn Lens en 't stoasje van Doenk-Sengin. In tydde lag der hil o de westkantn van Ennelin ôok e stoasje; 't Gebouw stoat er nog, mo ze stopp'n der al nen illn tyd nie mêe.

Beziensweirdigeedn

• De Sinte-Moart'nskerke gebouwd in 1898 deur architect Bondin uut Rysel. Dervôor stound ier e kerke uut 1574, mo die wos teegn 't ende van de neeg'ntiende êeuwe hil an't verbrokkeln. In 1997 stound de kerke in brande en in 2002 en ze ze gerenoveerd mè ne wa moderner'n en klêendern achterbouw.
• D'Illig-Èrtekerke uut et begun van de twintigste êeuwe ip de wyk le Marais
• 't Deutscher Soldatenfriedhof Annœullin, e Duutsch kerkof mè mêer of 1600 dôo uut d'n Êestn Weireldoorloge

De Sinte-Moart'nskerke van Ennelin

Ofbeeldiengn die ier by passn ku je vien in de categorie Annœullin van Wikimedia Commons.